Depressiyadan çıxmaq üçün bunları edin – MƏSLƏHƏT
İnsanların ən çox əziyyət çəkdikləri hallardan biri depressiyadır.
Rakus.az xəbər verir ki, Depressiyanın müxtəlif yaranma səbəbləri var. Hər hansı bir işin alınmaması, fasiləsiz iş rejimi, maddi və mənəvi çətinliklər və sairə. Elmi araşdırmalar göstərir ki, qadınlarda depressiyaya düşmək ehtimalı, kişilərə nisbətən daha çoxdur.
Depressiyaya düşmüş insan artıq əvvəllər maraqlandığı hər şeyə marağını itirir, yaxşı heç nəyə ümid etmir. Onun sözlərinə görə, depressiya siqaretin, spirtli içkilərin, narkotik maddələrin təsiri nəticəsində də yaranır.
Depressiyanın ilkin əlamətləri maraq dairəsinin azalması, heç nədən zövq ala bilməmək, halsızlıq, yuxusuzluq və ya həddən artıq yatmaq istəyi, çəki problemi, iştahasızlıq və ya həddən artıq yemək istəyi, baş vermiş hadisə haqda bütün gün düşünmək və özünü günahkar bilmək, əsəbi və hövsələsiz olmaq, intihar haqda fikirləşmək və buna cəhd göstərmək və s.dir.
Bəs depressiyadan necə çıxmaq olar?
Etdiyiniz gözəl işləri yadınıza salın
Hər axşam yatmamışdan əvvəl təmiz hava alın və sabah hər şeyin daha yaxşı olacağına inanın
Günə başlarkən sizin üçün daha yüngül olan işləri görün
Sizi yora biləcək işlərdən qaçmağa çalışın
Yaxınlarınızın sizə dəstək olmasına imkan yaradın
Təkliyə qapılmayın və dost-tanışlarınızla daha çox vaxt keçirməyə çalışın
Bütün bunlar kömək etməsə, psixoloq-nevropatoloqa müraciət edin. O sizin ruh halınızı başa düşəcək və depressiyadan çıxış yollarını göstərməyə yardımçı olacaq.
