Deputat: “COP29 iqlim məsələlərinin olimpiadası hesab oluna bilər” - VİDEO
Noyabrın 18-də İKİ SAHİL TV-nin “Siyasi baxış” verilişində BMT İqlim Dəyişikliyi üzrə Çərçivə Konvensiyasının Tərəflər Konfransının 29 sessiyası – COP29 ilə bağlı müzakirə aparılıb.
Rakus.az xəbər verir ki, verilişin qonağı olan Milli Məclisin deputatı Rizvan Nəbiyev COP 29-un əhəmiyyətindən danışıb.
Onun sözlərinə görə, COP29 iqlim məsələlərinin olimpiadası hesab oluna bilər: “Bu nüfuzlu və nəhəng tədbirin ölkəmizdə keçirilməsi Azərbaycan Prezidenti İlham Əliyevin xarici siyasət kursunun növbəti uğurudur”.
O bildirib ki, dünyada baş verən geosiyasi proseslər, hərbi münaqişələr, iqtisadi təlatümlər, ölkələrə və xalqlara münasibətdə ayrı-seçkilik, ətraf mühit kimi qlobal məsələlər bəşəriyyəti düşündürür: “Bu gün gündəlikdə dayanan aktual mövzulardan biri məhz iqlim dəyişiklikləri və onun fəsadları ilə mübarizədir. Çünki, bütövlükdə insanlığın tarixi hazırkı iqlim problemlərin həllindən asılıdır. Ölkəmiz də bu proseslərin həllinə aktiv töhfə vermək niyyəti ilə ciddibplatforma təklif edir. Artıq neçə gündür davam edən COP 29-da baş tutan panellər, imzalanan bəyannamələr, qəbul olunan qərarlar, səsləndirilən qlobal təşəbbüs və çağırışlar bir daha göstərir ki, tədbir faydalı keçir”.
