Deputatlar əxlaqsızlıq yuvalarını müzakirə etdi
Bu gün keçirilən Milli Məclisin iclasında deputat Tahir Kərimli qonşuları ilə birlikdə yaşadığı binadan köçmək məcburiyyəti qarşısında qaldığını bildirib.
Rakus.az xəbər verir ki, deputat T.Kərimli parlamentdə bildirib ki, çoxmənzilli təzə binaların aşağı mərtəbələrinin hostel kimi istifadə edilməsinə şərait yaradılıb. Bu isə bir çox hallarda əxlaqsızlıq yuvalarının yaranmasına gətirib çıxarır. Artıq qonşularla bezmişik. Oradan köçmək məcburriyyətində qalmışıq.
Daha sonra qeyd edib ki, bizim küçə mərkəzi küçədir. Oradan dünyanın hər yerindən gəlib keçən dövlət və hökumət nümayəndələri var. Birdən bu hal kiminsə qabağına çıxar. Ona görə də binaların yuvalara çevrilməsinin qarşısı alınmalıdır”.
Parlamentdə hesabat verən daxili işlər nazirinin birinci müavini Vilayət Eyvazov məsələyə münasibət bildirib:
“Bu problemi həll etmək mümkündür. Biz inzibati yolla yox, ancaq maarifləndirmə yolu ilə bunu edə bilərik”.
Deputat Araz Əlizadə isə təklif edib ki, hostellərin girişi ayrı olmalıdır.
