Dron hücumu – İRAN və ABŞ bir-birini günahlandırır – TƏHLİL - FOTO
Prezident Həsən Ruhani çərşənbə günü İranın bölgədə qarşıdurma istəmədiyini söyləyib, İran müdafiə naziri Əmir Hatəmi isə Tehranın Səudiyyə Ərəbistanının Aramco neft qurğularına edilən hücumlarda iştirakının olmadığını bildirib.
Rakus.az xəbər verir ki, İran xəbər agentliklərinin verdiyi məlumata görə, Ruhani ABŞ və Səudiyyə Ərəbistanının rəhbərlik etdiyi hərbi koalisiyanı Yəməndə dörd illik müharibəni başlamaqda ittiham edib.
“Biz bölgədə münaqişə istəmirik … Münaqişəni kim başlayıb? Yəmənlilər başlamayıb. Bu bölgədə müharibəni məhz Səudiyyə Ərəbistanı, Birləşmiş Ərəb Əmirliklər, Amerika, bəzi Avropa ölkələri və sionist rejim (İsrail) başlayıb”, – Ruhani İran mediasının yayımladığı videoda bildirib.
Ruhani İranın dəstəklədiyi husi üsyançılarının Səudiyyə Ərəbistanın rəhbərlik etdiyi koalisiyanı Yəməndəki xəstəxanalar, məktəblər və bazarlara hücumlarda günahlandıraraq, həftə sonu Səudiyyənin neft obyektlərinə “xəbərdarlıq” olaraq hücum etdiyini söyləyib.
“İranın əməliyyatdakı rolu ilə bağlı şərhləri rədd edərək Hatəmi məsələnin çox aydın olduğunu söyləyib: iki ölkə – Yəmən və Səudiyyə Ərəbistanı arasında münaqişə yaşanıb” , yarı-rəsmi Tasnim xəbər agentliyi bildirib.
Səudiyyə Ərəbistanı çərşənbə günü Tehranın Vaşinqtonun İrandan qaynaqlandığına inandığı və neft sənayesinə misli görünməmiş hücumla əlaqəli dəlil göstərəcəyini deyib.
İranın müttəfiqi olan Yəmənin Husi üsyançıları hücuma görə məsuliyyəti öz üzərinə götürüb və dövlət neft şirkəti Aramcoya hücum üçün dronlardan istifadə etdiklərini söyləyib.
ABŞ rəsmisi Reuters-ə bildirib ki, Aramcoya qarşı zərəblər (raketlər, hücumlar) İranın cənub-qərbindən atılıb. Üç rəsminin verdiyi məlumata görə, hücumlarda qanadlı raketlər və dronlardan istifadə olunub. Bu isə hücumların əvvəlcə düşündüyündən daha yüksək dərəcədə mürəkkəblik və dəqiqliklə təşkil olduğunu göstərir.
Bu arada Birləşmiş Ştatlar Səudiyyə Ərəbistanının neft obyektlərinə keçən şənbə günü hücumların İranın cənub-qərbindən edildiyinə inandığını açıqlayıb. Bu barədə Reuters agentliyinə danışan Amerika rəsmiləri Yaxın Şərqdə gərginliklərin daha da arta bilməsi kimi dəyərləndirmələr verib.
Adının açıqlanmaması şərti ilə danışan üç rəsmi hücum zamanı qanadlı raket və dronlardan istifadə edildiyini bildirib. Bu isə hücumun əvvəlcədən düşünüldüyündən daha mürrəkəb olduğuna işarə edir.
Pens: ABŞ Səudiyyənin neft obyektlərinə hücuma ən yaxşı cavabı nəzərdən keçirir
ABŞ rəsmiləri buna dəlilləri göstərməyib, nə də Birləşmiş Ştatlar kəşfiyyatının hansı məlumalatlarından istifadə etdikləri ilə bağlı açıqlamalar verməyib. ABŞ kəşfiyyat məlumatlarının ictimaiyyətə açıqlandığı təqdirdə, bu, Vaşinqton, Ər-Riyad və başqalarına hətta hərbi yol da daxil olmaqla cavab vermək üçün təzyiqlərin artmasına səbəb ola bilər.
İran şənbə günü Səudiyyə Ərəbistanının neft obyektlərinə hücumların arxasında olduğunu rədd edib. İranın Yəməndə vətəndaş müharibəsində müttəfiqi olan Husi üsyançıları neft emalı obyektlərinə hücumlara görə məsuliyyəti öz üzərinə götürüb.
Kral Salman beynəlxalq ictimaiyyəti hücumlara müqavimət göstərməyə çağırıb
Tramp şənbə günü gecə hücumun kim tərəfindən keçirildiyinə dair daha çox dəlil gözləyərək, ABŞ-ın cavab hücumu verməyə hazır olduğuna işarə edib. O, Birləşmiş Ştatların hücumlara cavab verməyə hazır olduğu ilə bağlı xəbərdarlıq etsə də, müharibə istəmədiyini vurğulayıb.
ABŞ-ın vitse-prezidenti Mayk Pens çərşənbə günü Birləşmiş Ştatların Səudiyyə Ərəbistanının neft obyektlərinə hücumun arxasında İranın olduğuna dair dəlili nəzərdən keçirildiyini bildirib.
