Əhməd İsmayılov media il bağlı AÇIQLAMA verdi
“Media subyektinin, jurnalistin hüquqları olduğu kimi, informasiyanı əldə edənlərin də hüquqları vardır. Agentliyin fəaliyyətinin əsas istiqamətlərindən biri də qarşı tərəfin hüquqlarının bərpa olunmasıdır”.
Rakus.az xəbər verir ki, bunu yeni yaradılan Medianın İnkişafı Agentliyinin icraçı direktoruƏhməd İsmayılov deyib.
“Bununla bağlı sözsüz ki, müvafiq qanunvericiliklərdə müddəalar var. Ancaq onları da təkmilləşdirilmiş və sistemləşdirilmiş formada yeni bir layihədə nəzərdə tutmaq mümkündür. Sırf qanun şəklində informasiyanın məzmununa dair tələbləri hazırlayıb təqdim etməliyik. Hesab edirəm ki, informasiyaya dair tələblər müəyyən olunduqdan sonra isə informasiya məkanında obyektiv məlumatların çox olduğuna nail ola biləcəyik”, – o bildirib.
Agentlik direktoru çap mediasının inkişafı üçün görüləcək işləri açıqlayıb
Onun sözlərinə görə, digər media növləri ilə müqayisədə onlayn medianın inkişaf etməsi bütün dünyada müşahidə olunan bir tendensiyadır. Azərbaycan media məkanında da belə bir tendensiya artıq mövcuddur. İstər çap mediası, istərsə də audiovizual media da artıq onlayn medianın təsirinə məruz qalmaqdadır. Bu baxımdan çap mediasına texniki dəstək layihələri və yayımın təşkil formasına köməklik göstərməliyik. Düşünürük ki, yayım şirkətləri ilə birlikdə bu məsələləri müzakirə etməliyik. Media subyektləri, yayım şirkətləri və Medianın İnkişafı Agentliyi birlikdə müzakirələr aparmalıdır. Həmçinin mexanizmin effektivliyinin artırılması yolları araşdırılmalıdır”.
“Media haqqında” qanun layihəsində yeni funksiyalar müəyyən olunacaq”
O diqqətə çatdırıb ki, “Media haqqında” yeni qanun layihəsinin hazırlanması, müzakirəyə çıxarılması və qəbul edilməsindən sonra həmin qanundan irəli gələn yeni funksiyalar, istiqamətlər müəyyən olunacaq”.
Ə.İsmayılov deyib: “Agentliyin nizamnaməsində onlayn media, çap mediası və audiovizual media işinin qurulması və onların inkişafına nail olunması istiqamətində görüləsi işlərin konturlarını, çərçivəsini görə bilirik. Qarşıda bizi yeni qanunun müzakirəsi və qəbulundan sonra yeni işlər gözləməlidir”.
