Əməkdar artist jurnalistlərə dərs keçdi - FOTO
Azərbaycan Respublikasının Əməkdar artisti, Azərbaycan Televiziyasının aparıcısı, kinorejissor Rafiq Həşimov olub BDU-nun jurnalistika fakültəsinin qonağı olub.
Rakus.az xəbər verir ki, o, “Radio və televiziya texnikası və verilişlərin hazırlanması” fənni çərçivəsində öz bilik və təcrübələrini gənc jurnalistlərlə bölüşüb. Tədbiri giriş sözü ilə açan fənn müəllimi Əli Hacıyev qonağı fakültədə görməkdən məmnunluğunu ifadə edib, görüşün keçirilməsinin məqsədləri barədə məlumat verib.
Sonra Rafiq Həşimov tələbələrlə fikirlərini bölüşüb, günümüzdə media dünyası, natiqlik sənəti kimi məsələləri dəyərləndirib, auditoriya qarşısında çıxışların prinsiplərini izah edib, öz çıxışlarını daha cəlbedici, danışığını daha təsirli, fikirlərini daha yaddaqalan etmək arzusunda olan, karyerasında irəliləməyi hədəf seçmiş tələbələlərə tövsiyələrini çatdırıb. Qonaq, həmçinin qüsursuz nitqə sahib olmağın yollarına dair məruzəsi ilə fakültə tələbələrinin diqqətini cəlb edib.
Aktiv diskussiya şəklində davam edən görüş tələbələrin çoxsaylı suallarının cavablandırılması ilə başa çatıb.
