Feldşer ixtisasına qəbul üzrə imtahanın nəticələri açıqlandı
Dövlət İmtahan Mərkəzi (DİM) Azərbaycan Tibb Universitetinin Hərbi Tibb Məktəbinin feldşer ixtisasına qəbul olmaq üçün iyulun 14-də keçirilən imtahanın nəticələrini elan edib.
Rakus.az xəbər verir ki, DİM-dən verilən xəbərə görə, imtahanda iştirak etmiş abituriyentlər DİM-in internet saytına (https://eservices.dim.gov.az/2019/netht_hl/?frm=egov) daxil olaraq imtahan nəticələri və “cavab kartı”nın qrafik təsviri ilə tanış ola bilərlər.
Abituriyentlər imtahanın nəticələri haqqında məlumatı, həmçinin mobil operator nömrələrindən “iş nömrəsi”ni 7727 nömrəsinə göndərməklə öyrənə bilərlər.
İmtahanda iştirakı gözlənilən 86 abituriyentdən 2 nəfər imtahanda iştirak etməyib.
Xatırladaq ki, Azərbaycan Respublikası Müdafiə Nazirliyinin Hərbi liseylərinə qəbul imtahanının nəticələri də yaxın günlərdə elan olunacaq.
