Şəhid Jurnalistlərin Xatirə Turnirinin finalçıları bəlli oldu
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turnirində yarımfinal oyunları yekunlaşıb.
Rakus.az xəbər verir ki, oktyabrın 12-də Bakı Tennis Akademiyasında baş tutan iki qarşılaşma ilə finalçılar bəlli olub.
Belə ki, saat 21:00-da AFFA kökənli hakimlər Elgün Hüseynov və Ramil Namazovun start fiti ilə başlayan görüş “Gənclər 2020” ilə “Ardanış” arasında olub.
Komandalar bu heyətlə meydana çıxıb:
“Ardanış” – Elvin İsmayılov, Azər Hüseynov, Elçin Zeynalov, Elçin İsmayılov, Elşən Nəsibov, Ramiz Hüseynov, Vüsal Hüseynov, Emin Ələsgərov, Ayxan Abbasov, Emin İmaməliyev, Ramin Musayev, Əsgər İbrahimov, Rasim Həsənov.
“Gənclər 2020” – Bayram Əliyev, Elnur Ağamalıyev, Rauf Məhəmmədov, İlkin Kərimli, Ümman Ağamalıyev, Bürhan Hətəmli, Fariz Ağamalıyev, Emil Qurbanzadə, Tural Nağıyev, Ruslan Hətəmli, Ruslan Əliyev, Mustafayev Elvin.
Hər iki komanda finala çıxmaq üçün bərabər səviyyədə oyun nümayiş etdirib. İlk hissədə Azər Hüseynovun və Vüsal Hüseynovun qolları ilə “Ardanış” önə çıxıb. Lakin ruhdan düşməyən cənclər hücumçu Burhan Hətəmlinin baxımlı qolu ilə fərqi minimuma endirib.
Fasilədən sonra oyun maraqlı epizodlarla yadda qalıb. Belə ki, hücumçu Əsgər İbrahimovun autdan atılan topu fərdi ustalığı sayəsində surpriz qolu ilə fərqi ikiyə çatdıran “Ardanış” qələbənin artıq təmin olunduğunu düşünüb. Bu qol komandada müəyyən arxayınlıq da yaradıb. Rəqib komandanın Baş məşqçisi Murad Abdullayev bu fürsətdən istifadə edib oyunçu dəyişikliklərinə əl atıb və məğlub olmaq fikrində olmadığını göstərib. Yenə Burhan Hətəmlinin səhnəyə çıxaraq dalbadal iki qol vurması hesaba tarazlıq gətirib.
Bundan sonra ardanışlılar qısamüddətli təlaş keçiriblər. Lakin Baş məşqçisi Rasim Həsənov səbrli davranışı, tayım-aut götürərək komandaya motivasiya verməsi və inam aşılaması mənasız olmayıb. Onun bu seçimi və analizi öz bəhrəsini oyunun son dəqiqələrində verib. Matçın qəhrəmanı sayılan hücumçu Azər Hüseynov gözlənilməz epizodda möhtəşəm zərbə ilə 4-cü topu cənclərin qapısından keçirib. Bundan sonra həvəsdən düşməyən rəqib taktiki gedişlər edərək oyun üstünlüyünü ələ alıb ir neçə dəfə hücuma çıxaraq qol vəziyyəti yaratsa da faydalana bilməyib. Beləliklə “Ardanış” 3:4 hesablı qələbə ilə adını finala yazdırıb.
“Gənclər 2020” isə 3-cü yer uğrunda mübarizəsinə davam edəcək.
Bakı Tennis Akademiyası
12 oktyabr
YARIMFİNAL
Saat – 21:00
“Gənclər 2020” – “Ardanış” – 3:4
Qollar: Azər Hüseynov 2, Vüsal Hüseynov 1, Əsgər İbrahimov 1 (“Ardanış”)
Burhan Hətəmlinin 3 (“Gənclər 2020”)
Hakimlər – Elgün Hüseynov, Ramil Namazov
xxx
Bu oyunun ardından saat 22:00-da “Turan” ilə “Göyçə” qarşılaşıb.
Komandalar bu heyətlə sahəyə çıxıb:
“Turan” – Mirishaq Səfərov, Məlikov Fuad, Abdullayev Zöhrab, Mətin Almammədli, Həsənli Rauf, Axundzadə Sadiq, Mirzəyev Turan, Xudiyev Seymur, Ocaqverdiyev Sənan, Qasımov Orxan, Ağazadə Rahid, Aslan İsmayılov.
“Göyçə” – Əkbər Hüseynli, Elcan Cabbarlı, Oruc Məmmədov, Rəvan Alışov, Aslan Bağırov, Seymur Usanov, Yaşar Abbas, İlkin Babayev, Əbülfət Abbasov, Güvən Məmmədov, Anar Qasımov, Nihad Yusibov.
Qələbə üçün bütün imkanları səfərbər edən turançılar oyunun lap əvvəlində Seymur Xuduyevin qolu ilə sevinib. Bu qol həm də sanki onlara qələbənin asan başa gələcəyini göstərirdi. Matça çox məsuliyyətli yanaşan, düşən imkanlardan maksimum yararlanmağa çalışan göyçəlilər görüşün 10-cu dəqiqəsində qapılarında daha bir qol görüblər. Bu dəfə turnirin bombardirliyinə namizəd Fərid Əliyev fərqləndi.
Rəqibini zəif komanda olmadığını görən “Göyçə” ara-sıra götürdüyü tayım-aut və oyunçu dəyişikliyi ilə fasiləyədək Alim Məlikov və Güvən Məmmədovun dəqiq zərbələri ilə bərabərliyi təmin edib.
Fasilədən sonra hər iki komanda bir neçə dəfə qol epizodları yaradıblar. Maraqlı və gərgin keçən matçda” Turan” Fərid Əliyevin və Kamran Rəhimliin qolları ilə önə keçsə də bu fərqi qoruya bilməyib. “Göyçə” futbolçular Güvən Məmmədov və Nihad Yusibovun dəqiq zərbələri ilə zəif olmadıqlarını göstərib.
Bundan sonra oyun daha da qızışıb. Hətta hakim bir neçə dəfə sərt oyuna görə oyunçulara xəbərdarlıq edərək əlini cibinə atıb.
Nəhayət, oyunun son dəqiqələrində “Turan”da oyunçunun zədə alıb oyundan çıxması onlara baha başa gəlib. Növbəti epizodların birində hakim cərimə zərbəsi təyin edib. Oruc Qurbanlı bu zərbəni dəqiq yerinə yetirib və “Göyçə”ni finala aparan oyunçu olub.
Bununla da sahədən 4:5 hesablı qələbə ilə sevinən göyçəlilər finalda “Ardanış”ın potensial rəqibi olub.
“Turan” isə üçüncülük uğrunda “Gənclər 2020” ilə tər tökəcək.
Bakı Tennis Akademiyası
12 oktyabr
YARIMFİNAL
Saat – 22:00
“Turan” – “Göyçə” – 4:5
Qollar: Güvən Məmmədov 2, Alim Məlikov 1, Nihad Yusibova, Oruc Qurbanlı 1 (“Göyçə”)
Fərid Əliyev 2, Seymur Xuduyev 1, Kamran Rəhimli 1 (“Turan”)
Hakimlər – Elgün Hüseynov, Ramil Namazov
Xatırladaq ki, turnir hər birində 3 komanda olmaqla 4 qrupdan ibarətdir və noyabrın 8-dək başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksəlib. Bu oyunlarında iştirak edən 8 komandadan qalib gələn 4 komanda yarımfinala çıxıb. Yarımfinalda A1-in qalibi C1-in qalibi ilə, B1-in qalibi ilə D1-in qalibi görüşüb. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Şənbə və bazar günləri saat 19:00 və 20:00-da keçirilən oyunları AFFA-nın hakimləri idarə edir. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
