Günel Gözəlova nazirliyin mətbuat katibi oldu
Jurnalist Günel Gözəlova Nəqliyyat, Rabitə və Yüksək Texnologiyalar Nazirliyinə mətbuat katibi təyin olunub.
Rakus.az xəbər verir ki, bu haqda Gözəlovanın həmkarı Mehman Mehdiyev sosial şəbəkədə məlumat yayıb.
Xatırladaq ki, Günel Gözəlova Bakı Dövlət Universitetinin jurnalistika fakültəsini bitirib. 2000-2003-cü illərdə Azərbaycan Dövlət Televiziyasında aparıcı-jurnalist, 2003-2016-cı illərdə Lider TV-də jurnalist, televiziya və radio aparıcısı, redaktor, “Gənclər” redaksiyasının rəhbəri, “Lider Xəbər” departamentinin rəis müavini vəzifələrində çalışıb. İndiyə qədər isə “Azərpoçt” MMC-nin mətbuat katibi vəzifəsində çalışıb
Televiziya və radio sahəsində xidmətlərinə görə 2016-cı ildə “Azərbaycan Respublikası Prezidentinin fəxri diplomu” ilə təltif edilib.
