Hadi Rəcəbli: “Milli Məclislə bağlı yanlış fikirlər yayılır” - FOTO - VİDEO
“Bəzi hallarda Milli Məclislə bağlı yanlış fikirlər yayılır. İnanın, elə an olmur ki, şəhid ailələrini, maddi imkanı zəif olanları düşünməyək”.
Rakus.az xəbər verir ki, bunu Milli Məclisin Əmək və sosial siyasət komitəsinin sədri Hadi Rəcəbli deputat Adil Əliyevin təşkil etdiyi iftar məclisində çıxış edərkən bildirdi.
Qeyd etdi ki, bu qanunlarda da nəzərə alınır və bu addımların arxasında Prezident İlham Əliyevin siyasi iradəsi dayanır. Prezidentin və Birinci vitse-prezidentin istəyi isə zaman-zaman həyata keçir.
Millət vəkili Azərbaycanda şəhid ailələrinə daim diqqət və qayğı göstərildiyi deyərək bildirdi ki, Vətən uğrunda canından keçənlər bizim üçün daim əzizdir.
Komitə sədri iftar süfrəsinin təşkilinə və o cümlədən imtiyazlı şəxslərin – şəhid ailələrinin, milli qəhrəmanların, müharibə əlillərinin və veteranlarının tədbirdə iştirakına şərait yaratdığına görə həmkarı Adil Əliyevin xidmətlərini yüksək qiymətləndirdi.
Qeyd etdi ki, mən Adil Əliyevin fəaliyyətini addım-addım izləyirəm və görürəm ki, onun bütün işlərində vətənpərvərlik həmişə yüksəkdə durur. Xalqını, vətənini, ordu, idmanı, gəncliyi sevmək vətənpərvərlikdən gələn hisslərdir (Çıxışla ətraflı videoda tanış olmaq mümkündür).
