HHM bölmələrinin taktiki-xüsusi məşğələləri keçirildi - VİDEO
Müdafiə nazirinin təsdiq etdiyi 2019-cu il üçün döyüş hazırlığı planına uyğun olaraq Hava Hücumundan Müdafiə (HHM) bölmələrinin taktiki-xüsusi məşğələləri keçirilib.
Rakus.az xəbər verir ki, bu barədə məlumat Müdafiə Nazirliyindən verilib.
Bildirilib ki, məşğələlər zamanı HHM bölmələri “Buk-MB”, “S-125” və “OSA” zenit-raket komplekslərindən döyüş atışları icra ediblər.
Xatırladaq ki, bundan öncə də döyüş hazırlığı planına əsasən ümumqoşun poliqonunda hərbi birliyin döyüş atışlı gecə təlimi keçirilib.
Ssenariyə uyğun olaraq təlimə cəlb olunan motoatıcı, artilleriya, zirehli tank və mühəndis-istehkam bölmələri düşmənin gecə vaxtı hücumunun ona müxtəlif istiqamətlərdə cavab zərbələrinin endirilməsi ilə dəf edilməsi və qoşunlarımızın müdafiədən əks-hücuma keçməsi tapşırıqlarını icra ediblər.
