İİTKM-də görüş – yeni reallıqlar və parlament diplomatiyası - FOTO
İqtisadi İslahatların Təhlili və Kommunikasiya Mərkəzinin “İslahat Könüllüləri” təşkilatının təşəbbüsü ilə Milli Məclisin deputatı Rizvan Nəbiyevlə görüş keçirilib.
Rakus.az xəbər verir ki, görüşdə “Beynəlxalq münasibətlərdə parlament diplomatiyasının rolu” mövzusunda deputat məruzəylə çıxış edib və müzakirələr aparılıb.
R.Nəbiyev dövlətlərarası diplomatik münasibətlərdən, ikitərəfli və çoxtərəfli əməkdaşlıqların qurulmasından, parlament diplomasiyasının rolu və funksiyalarından danışıb.
O, Prezident İlham Əliyevin məharətli hərbi və siyasi-diplomatik strategiyası nəticəsində torpaqlarımızın işğalına son qoyulduğunu və regionda beynəlxalq hüquqa əsaslanan yeni reallığın yarandığını qeyd edib və bildirib ki, yeni reallıqlar həmçinin parlament diplomatiyası sahəsində çoxşaxəli fəaliyyətlərin daha da aktivləşdirilməsini şərtləndirir.
Deputat ölkə Prezidentinin həyata keçirdiyi uzaqgörən siyasət nəticəsində iqtisadi və təhlükəsizlik baxımından irimiqyaslı layihələrin əhəmiyyətini önə çəkib, bu layihələrin həm regional, həm də beynəlxalq səviyyədə Azərbaycan üçün strateji üstünlüklər yaratdığını söyləyib.
Həmçinin Zəngəzur dəhlizinin strateji əhəmiyyəti barədə də məlumat verən parlamentin üzvü bu dəhlizin regionda nəqliyyat və iqtisadi əlaqələrin inkişafında müstəsna rol oynayacağını, eyni zamanda Azərbaycanın təhlükəsizliyinə və sabitliyinə də mühüm təsir göstərəcəyini vurğulayıb.
Sonda R.Nəbiyev iştirakçılara həmmüəllifi olduğu Berlində nəşr olunmuş “Şuşa İrsi” adlı kitabını hədiyyə edib.
