Kremlin Suriya istəyi – Ankaraya xəbərdarlıq siyasəti – TƏHLİL - FOTO
Rəsmi Moskva Türkiyəni Suriyanın şimalındakə əməliyyatları mümkün qədər dar çərçivədə saxlamağa çağırıb.
Rakus.az xəbər verir ki, Kreml Türkiyənin Suriya hökumət qüvələri ilə toqquşmasına zidd olduqlarını vurğulayırlar. Bu arada Suriya Prezidenti Bəşər Əsədə sadiq qüvvələr Türkiyə ilə sərhəddə kürdlərin məskunlaşdığı ərazilərə nəzarəti ələ keçirməyə can atırlar.
Rusiyanın Suriyadakı elçisi Türkiyə ilə bağlı tonu sərtləşdirərək ilk dəfə olaraq “qəbuledilməz” ifadəsini dilə gətirib.
Bundan öncə Kreml rəsmi Ankaranın addımına müsbət yanaşdığını bildirərək, Türkiyənin sərhədyanı regionda legitim təhlükəsizlik maraqlarına sahib olduğunu demişdi.
Eyni zamanda Rusiya rəsmiləri “qırmızı xətt “ olaraq Türkiyə qoşunlarının Suriyada daimi qalmasını istisna ediblər.
Rusiya Prezidenti Vladimir Putinin Suriya üzrə xüsusi nümayəndəsi Aleksandr Lavrentyev V.Putinin Əbu-Dabiyə rəsmi səfəri zamanı jurnalistlərə bildirib: “Biz Türkiyə qoşunlarının Suriya ərazisində daimi qalmasının əleyhinəyik. Biz onların hərəkətlərini təqdir etmirik”.
Ankaranın əməliyyatı ilə bağlı Rusiya ilə Türkiyə arasında əvvəlcədən razılığın olub-olmadığı barədə sualın cavabında Lavrentiyev deyib: “Xeyr! Biz hər zaman Türkiyəni təmkinli olmağa çağırmışdıq və hər zaman Suriya ərazisindəki nər növ hərbi əməliyyatı qəbuledilməz hesab etmişik.”
