Leyla Ucalın iddiaları müzakirə ediləcək - VİDEO
Təhsil Nazirliyi 2 nömrəli ümumi orta internat məktəblə bağlı müəllimin iddialarına rəsmi cavab verib.
Rakus.az xəbər verir ki, nazirlikdən verilən məlumata görə müəllim Leyla Ucalın yazdığı fikirlər bu gün onun iştirakı ilə müzakirə ediləcək:
“Ötən gün Leyla Ucalın şəxsi “Facebook” səhifəsində 2 nömrəli ümumi orta internat məktəb ilə bağlı səsləndirdiyi fikirlərə münasibət olaraq müəllif Təhsil Nazirliyinə dəvət edilib və qeyd olunan məsələnin təfərrüatları bu gün onun iştirakı ilə müzakirə ediləcək.
Bəhs edilən internat məktəbinə bir neçə media qurumu bu gün səfər edib, orada olan vəziyyətlə bilavasitə özləri tanış olub və yaxın saatlarda bu barədə reportajlar təqdim edəcəklər”.
Nazirlik əlavə edib ki, son bir neçə il ərzində internat məktəblərindəki şəraitlə bağlı müxtəif media qurumlarının iştirakı ilə dəfələrlə tanışlıq səfərləri təşkil edilib və Nazirlik bu kimi məsələlərdə ictimai nəzarət funksiyasına həmişə xüsusi önəm verib.
Xatırladaq ki, həmin təhsil müəssisəsində bir müddət dərs keçdiyini deyən Leyla Ucal internat məktəbdə müəllimlərin özbaşınalığı, şagirdlərə qarşı şiddət və onların təhsil əvəzinə fiziki əməyə cəlb olunmasını iddia edib.
