Təhlil 09.09.2019 23:39

Makronun Kreml həmləsi – məhbuslar dəyişdirildi – TƏHLİL - FOTO

Ölçü

A+ A- A

Fransa Prezidenti Emmaneul Makron və Rusiya Prezidenti Vladimir Putin arasında Moskvada Fransa-Rusiya əməkdaşlıq şurasının bazar ertəsi iclasından öncə telefon söhbəti baş tutub.

Rakus.az xəbər verir ki, Fransanın Prezident Administirasiyasından verilən məlumata görə, iki lider telefon söhbəri zamanı Ukrayna və Rusiya arasında məhbus mübadiləsini müzakirə edib. Makron və Putin məhbus mübadiləsini müsbət inkişaf kimi qiymətləndirərək, bunun Kiyev və Moskva arasında problemlərin qarşıdan gələn “Normandiya dördlüyü”nün zirvə görüşündə müzakirəsinə stimul verdiyini bildirib. Qrupa Fransa və Rusiya ilə yanaşı, Almaniya və Ukrayna da daxildir.

Fransa prezidentinin ofisindən bildirildiyi kimi, Makron və Putin həmçinin İran ətrafında yaranmış qlobal gərginlikləri də müzakirə edib. Fransa və Rusiya bütün tərəflərin gərginlikərin azaılmasına çalışacağına ümidlərini ifadə edib.

Makron bu yaxınlarda Böyük Yeddiliyin Fransada keçirilən sammitində bildirib ki, Avropa qitəsində Rusiya ilə münasibətlərdəki problemlər həll edilmədən sabitlik və təhlükəsizlik bərqərar olmayacaq. Sammitdən sonra xarici ölkə diplomatları ilə danışan Makron müttəfiqlərin Ukraynada təcavüzə görə Rusiya ilə hər hansı danışıqları rədd etdiyini etiraf edib.

Məlumdur ki, ABŞ Prezidenti Donald Tramp Böyük Yeddliyin sammiti zamanı Rusiyanın qrupa yenidən daxil edilməsi ilə bağlı fikir səsləndirib. Rusiya 2014-cü ildə Ukraynanın Krımı yarımadasını işğal etdikdən sonra elitar qrupdan kənarlaşdırlıb.

Birləşmiş Ştatlar Rusiya və Ukrayna arasında məhbus mübadiləsini alqışlayıb və Moskvanı Minsk razılaşmaları çərvəsində üzərinə götürdüyü öhdəliklərə əməl etməyə çağırıb.

“ABŞ Ukrayna tərəfindən saxlanılan 35 məhbus müqabilində Rusiya tərəfindən 35 ukraynalının azad edilməsi haqqında məlumatları alqışlayır”, – ABŞ Dövlət Departamentinin sözçüsü Morqan Ortaqusun açıqlamasında bildirilir.

“Biz dəfələrlə Qara dənizdə Kerç boğazı yaxınlığında 2018-ci ilin noyabrında Ukrayna gəmilərinə hücumdan sonra Rusiya tərəfindən saxlanmış 24 ukraynalı dənizçinin, eləcə də Oleq Sentsov və digər siyasi məhbusların azad edilməsinə çağırmışıq. Biz onların evə qayıtdığı haqda xəbərləri alqışlayırıq.. Biz Rusiyanı Krım tatarları icmasının haqsız olaraq həbs edilmiş üzvləri də daxil olmaqla, bütün başqa ukraynalıları azad etməyə çağırırıq”,- Morqan Ortaqus bildirib.

Dövlət Departamentinin nümayəndəsinin açıqlamasında deyilir ki, Birləşmiş Ştatlar Rusiya və Ukrayna arasında daha aktiv dialoqa işarələri görməkdən məmnunluq duyur.

“Prezident Zelenski Ukraynanın şərqində Rusiyanın təhrik etdiyi münaqişənin diplomatik həllinə sadiq qaldığını açıq bəyan edib. Biz prezident Zelenskinin səylərini dəstəkləyirik və Rusiyanı Minsk razılaşmaları çərvəsində üzərinə götürdüyü öhdəliklərə əməl etməyə çağırırıq”, – ABŞ Dövlət Departamentinin sözçüsü Morqan Ortaqusun açıqladığı bəyanatda bildirilir.