Millət vəkili: “Ermənistandan Azərbaycana maliyyə təzminatının qarşılanması tələb edilir” - VİDEO
Bu il noyabrın 13-də “ARB24”nin “İşgüzar səhər” verilişində BMT İqlim Dəyişikliyi üzrə Çərçivə Konvensiyasının Tərəflər Konfransının 29 sessiyası – COP29 və iqlim dəyişikliyinin təsirlərinin qarşısının alınması, adatpasiya və mitiqasiya, iqlim maliyyələşməsi barədə fikir mübadiləsi aparılıb.
Rakus.az xəbər verir ki, verilişin qonağı olan Milli Məclisin deputatı Rizvan Nəbiyev Ermənistanın qanunsuz işğalının irsi kimi Azərbaycanın ərazisinin 12%-də qalmaqda olan mina təhlükəsi, işğal dövründə Azərbaycanda ətraf mühit və biomüxtəlifliyə Ermənistanın vurduğu ziyanlar barədə danışıb.
Onun sözlərinə görə, Beynəlxalq Əadalət Məhkəməsi İrqi Ayrı-seçkiliyin Bütün Formalarının Ləğv Edilməsi haqqında Beynəlxalq Konvensiyanın tətbiqi ilə bağlı iş üzrə Azərbaycan və Ermənistan tərəfindən qaldırılan ilkin etirazlara dair 12 noyabr 2024-cü tarixli qərarında haqlı olaraq Ermənistanın mina və gizli mina tələləri yerləşdirməsi təcrübəsinə dair iddiaların qərarda istisna olunması cəhdlərini rədd edib.
O, Azərbaycanın Ermənistana qarşı müxtəlif hüquqi platformalarda, Beynəlxalq Ədalət Məhkəməsi və Haaqada yerləşən Daimi Arbitraj Məhkəməsində Ermənistana qarşı qaldırdığı iddiaları şərh edərək deyib: “Avropanın canlı təbiətinin qorunması haqqında 1979-cu il Bern Konvensiyası və Enerji Xartiyası Müqaviləsi üzə beynəxalq hüquqi pozmasına görə, Azərbaycan Ermənistana qarşı 2023-cü ildə dövlətlərarası arbitraj prosesi qaydasında iddia qaldırmışdır. Vaxtı ilə işğal altında olmuş ərazilərdə ətraf mühitin məhvinə, enerji resursları üzərində ölkəmizin suveren hüquqlarını tanımaqdan imtina etməsinə və beynəlxalq öhdəlikləri pozmasına görə Ermənistandan Azərbaycana tam kompensasiya ödənilməsi və maliyyə təzminatının qarşılanması tələb edilir”.
