Xalq artisti Miri Yusif xüsusi açılmış Bakı-İstanbul-Bakı reysi ilə istirahətə gedib.
Rakus.az xəbər verir ki, o, iyunun sonunda xanımı Nərgiz Mirbabayeva və övladları ilə birgə Türkiyəyə yola düşüb. Sənətçi İstanbuldan İzmirə gedib, istirahət üçün turizm bölgəsi olan Kuşadasına üz tutub.
Onlar tətil zamanı çəkdirdikləri fotoları sosial şəbəkə hesablarında paylaşıblar. Hətta Miri Yusif “Türkiyəyə necə getmisən?” sualına turizm şirkətinin adını “tag” edərək “qısa cavab” verib.
Xatırladaq ki, müxtəlif zəruri səbəblərə görə Azərbaycan vətəndaşlarının Türkiyəyə gedişini asanlaşdırmaq məqsədilə iyundan başlayaraq qarşılıqlı razılıq əsasında həftədə iki dəfə Azərbaycan Hava Yollarının, iki dəfə isə Türk Hava Yollarının Bakı-İstanbul-Bakı və İstanbul-Bakı-İstanbul istiqaməti üzrə mütəmadi xüsusi reysləri həyata keçirilir.
