Müdafiə Nazirliyi daha bir hərbi hissəsə açdı - FOTO
Müdafiə nazirinin maddi-texniki təminat üzrə müavini general-leytenant Fuad Məmmədov “N” saylı hərbi hissənin yeni inşa edilmiş infrastrukturunun açılışında iştirak edib.
Rakus.az xəbər verir ki, Müdafiə Nazirliyinin mətbuat xidmətinin məlumatına görə, nazir müavini hərbi hissədə yeni inşa edilmiş yeməkxana, qarovul şəhərciyi və qarovul evi, eləcə də digər xidməti və inzibati obyektlərə baxış keçirib.
Şəxsi heyətin qidalanması üçün nəzərdə tutulan yeni tikilmiş yeməkxana binası müasir standartlara cavab verən qazanlar, sobalar, soyuducular və digər məişət texnikası, müvafiq mebel və inventarla təchiz olunub. Yeməkxanada soyuducu kamera otaqlarından ibarət ərzaq anbarı var.
Məlumat verilib ki, hərbi hissədə şəxsi heyətin peşəkar hazırlığı və döyüş vərdişlərinin artırılması üçün bütün şərait yaradılıb.
