Murad Fətiyev qızıl medal qazandı
“JudoClub 2012”nin cüdoçusu Avropakubokunun qalibi oldu
Mayın 18-19-da Rusiyanın Orenburq şəhərində cüdo üzrə Avropa kuboku yarışları keçirilib.
Rakus.az xəbər verir ki, 24 ölkədən 306 (193 oğlan, 113 qız) cüdoçunun iştirak etdiyi yarışda Azərbaycan 13 idmançı ilə mübarizə aparıb.
Yarışda ölkəmizi təmsil edən idmançılar arasında “JudoClub 2012”nin yetirməsi Murad Fətiyev (81 kq) də yer alıb. Komandamız turniri 1 qızıl medalla başa vurub. Ölkəmizə yeganə medalı “JudoClub 2012”nin cüdoçusu Murad Fətiyev qazandırıb. Mübarizəyə 1/16 finaldan başlayan cüdoçumuzilk görüşdə rusiyalı KarekinŞaklamzianı, növbəti mərhələdə isə avstriyalı Saif-İslam İslamhanovu məğlub edib. 1/4 finalda digər rusiyalı Pavel Berlini mübarizədən kənarlaşdırancüdoçumuzyarımfinalda portuqaliyalı Migel Alvesi üstələyərək finala yüksəlib. Gərgin mübarizə şəraitində keçən final görüşündə Rusiya cüdoçusu Turpal Tepkaev üzərində qələbə qazanan Murad Fətiyev Avropa kubokunun qızıl medalına layiq görülüb.
Komandamız əldə etdiyi bir qızıl medalla turnirdə ümumi hesabda beşinci pillədə yer alıb.
Yarış haqqında ətraflı məlumatı ippon.org saytından əldə edə bilərsiniz.
http://www.ippon.org/cont_cup_sen_rus2019.php
