Mxitaryan futbolcudan cox ermənidir – Yaşar Sultanov
Bir neçə gündür gündəmə çevrilən “Arsenal”ın futbolçusu Mxitaryanın Avropa Liqasının finalında oynamaq üçün Bakıya gəlməməsi soydaşlarımız tərəfindən geniş müzakirə olunur. Bir vaxtlar Azərbaycan futbol təsərrüfatında müxtəlif məsul vəzifələrdə çalışan ziyalılarımızdan olan Yaşar Sultanovun sosial şəbəkədə bu məsələ ilə paylaşdığı fikir də böyük əhəmiyyət kəsb edir. Onun fikrini olduğu kimi təqdim edirik:
“Mxitaryan mənim ucun bu gün erməni olmaqdan daha cox futbolcudur. Kifayət qədər sanballı, peşəkar, yüksək keyfiyyətli. Bizim də bu kateqoriyadan bircə futbolcumuzun olmasını arzulayardım. Bu gün Bakının dünya futbol mərkəzinə cevrilməsinə bir həftə qalmıs, yüz milyonlarla insanın diqqətinin Bakı Olimpiya Stadionuna yönəlmək ərəfəsində Mxitaryan futbolcu olmaqdan daha cox erməni olmasını üstün tutdu. Acığını deyim, həsəd aparilacaq haldi. Bir futbolcu ücün Avropa kuboklarının final istirakçısı olmaq tarixi tituldur. Bəlkə də bu onun karyerasında bir daha təkrarlanmayacaq, amma, yaranmıs vəziyyətdən sui istifadə edərək erməniciliyi, millətciliyi daha üstün tutması, ələ düşən tarixi sansdan antiazərbaycan məqsədi üçün istifadə etməsi heyrət doğurmaya bilməz. Budur, ermənicilik, erməni millətçiliyi. Əslində, birinci dəfə deyil ki onlar Bakıya gəlirlər. Dunya, Avropa ranqli turnirlərdə, güləş, sahmat yarıslarında, müxtəlif regional, ictimai-siyasi tədbirlərdə istirak edirlər. Erməni deputatlar gəlib “Torqovi”da sərbəst gəzirler. Guya Mxitaryan gəlsə nə bas verəsi idi ki… Hətta Bakının çoxsayli “Arsenal” fanatlari yəqin ki avtoqraf almaqdan, selfi cəkdirməkdən, jurnalistlər müsahibə götürməkdən belə çəkinməzdilər. Amma yox, tarixi sansı qacırmaq olmazdı, Bakını ləkələmək, möhtəşəm final hazırlığına kölgə salmaq lazım idi. Əsil erməni bicliyi, hiyləsi, xisləti ilə. Yazının əvvəlindəki fikrimi dəyişirəm – Mxitaryan futbolcudan daha cox ermənidir”.
