Osloda COP-29 təbliğ olundu: Bakıda yüksək hazırlıq işləri görülür - FOTO
Bu il oktyabrın 18-də Norveç krallığının Oslo şəhərində Litteraturhuset mərkəzində Azərbaycan Respublikası “Gənc Politoloqlar Mərkəzi” və Norveçdə fəaliyyət göstərən “CAN” diaspor təşkilatının birgə təşkilatçılığı ilə “COP29: Our Green Legacy For the Future” layihəsi həyata keçirilib.
Rakus.az xəbər verir ki, “CAN” təşkilatının sədri Şervin Nəcəfpur tədbirdə iştrak edən 11 səfir və diplomatik nümayəndələri, diğər qonaqları salamlayaraq onlara minnətdarlığını bildirib.
“Gənc Politoloqlar Mərkəzi”nin sədri İlkin Əliyev layihənin ərsəyə gəlməsində göstərilən maliyyə dəstəyinə görə Azərbaycan Respublikası Gənclər Fonduna təşəkür edib, tədbirin məhz bu tarixdə keçirilməsinin təsadüf olmadığını, 18 oktyabrın Azərbaycanda Mütəqillliyin Bərpası Günü kimi qeyd olduğunu diqqətə çatdırıb.
Bayram gününü qeyd etmək üçün bədii hissə unudulmaz akustik musiqi təəssüratı ilə yadda qalıb. Norveçin Trondheim şəhərində doğulan Azərbaycan əsilli musiqiçi Maria Sahba və gitaraçı Aleksander Sjölienin ifaları tədbirə rövnəq qatıb.
Bədii proqramdanm sonra çıxış üçün Norveçin Ekologiya və Ətraf Mühit Nazirliyinin siyasi müşaviri Kristoffer André Hansen çıxış edərək, iki həftə öncə Pre-COP29 tədbiri ilə əlaqədar Bakıya səfəri ilə bağlı təsüratlarını bölüşüb, COP29-a Bakıda yüksək səvviyədə hazırlıq işlərinin görülməsi haqqında məlumat verib. Nazirliyin sözçüsü həmçinin səfər zamanı Azərbaycan Respublikasının Ekologiya və Təbii Sərvətlər naziri Muxtar Babayevlə görüşündən söz açıb.
Cənubi Afrika Respublikasından Tembekile Mandela Fondunun yaradıcısı və baş direktoru Ndileka Mandela (Nelson Mandelanın nəvəsi) təbdirə videomüraciət edərək ekologiyanın qorunmasının gələcək nəsillərə ötürülməsi və birgə fəaliyyət haqqında zəruri addımların atılmasının vacib olduğunu nəzərə çatdırıb.
Tədbirin sponsoru olan Norveçin “Pure Nordic-Norwegian water” şirkəti tərəfindən qonaqlara premium məhsullar təqdim edilib, suyun bəşəriyyət üçün vacibliyi bir daha vurğulanan videoçarx nümayiş olunub.
Dünyanın ikinci duz gölü olaraq tanınan, Urmiya gölünün ekosistem üçün önəmini vurğulayan “Avstraliya-Azərbaycan” Assosiasiyasının prezidenti Mikayil Oyta və Yaponiyada yaşayan alim Xəlil Kələntər gölün qurumasının ətraf ölkələrə mənfi təsirindən dsanışıb, eləcə də bu prosesin qarşısının alınması üçün atılması zəruzi olan addımları təqdimat vasitəsiilə qonaqların diqqətinə çatdırıblar.
Türkiyədə fəaliyyət göstərən azərbaycanlı jurnalist Nigar İbrahimova tədbirdə çıxış edərək, medianın ekologiyanın qorunmasında rolundan söz açıb, bu mövzuda təcrübə və fikirlərini bölüşüb. O, dünya mediasında COP-29-a qarşı atılan qarayaxma kampaniyası və Norveç Krallığı Baş nazirinin sözügedən tədbirdə iştirakdan imtina etməsi barədə məlumat verib.
Norveçin sosialist solçular partiyasının üzvü Mahmod Ahmad insan hüquqları barədə məlumat verib və ekoloji fəaliyyət zamanı siyasi fəaliyyətin mövzuya alət edilməməsinin vacibliyini bir daha xatırladıb.
Sonda Şervin Nəcəfpur qonaqlara minnətdarlığını bildirərək, növbəti ay Azərbaycanda keçiriləcək COP-29 tədbirinə uğurlar arzulayıb.
