Paşinyanın Njde ritorikasına görə ələ salındı
“Nikol Paşinyanın Almaniyaya səfəri onun Dağlıq Qarabağın tanınmamış statusunu təsdiq etmək səylərinə dayanan işğalçılıq ritorikasından kənara çıxmağa hazır olmadığını növbəti dəfə nümayiş etdirdi. Bu hələ Azərbaycan Prezidenti İlham Əliyev ilə görüşdən əvvəl, Fridrix Ebert Fondunda xarici jurnalistlərlə söhbət əsnasında aydın oldu. Həmin görüşdə Ermənistanın baş naziri Dağlıq Qarabağ münaqişəsinin nizamlanmaması səbəbləri və ölkədə nasistlərin əlaltısı olan Qaregin Njdenin qəhrəman kimi qələmə verilməsi barədə bir sıra etiraflar etdi”.
Rakus.az xəbər verir ki, bu barədə Rusiyanın “Vestnik Kavkaza” informasiya agentliyinin jurnalisti Mamikon Babayan yazır. Məqalədə vurğulanır ki, Paşinyana sual verən jurnalistlər hazırkı baş nazirin 1988-1992-ci illərdə etnomilliyyətçi problemlərin eskalasiya dövründə erməni separatizmi ilə bağlı olmadığını qeyd ediblər. Həmçinin Ermənistanın bundan əvvəlki iki prezidentinin, özlərinin məhz “döyüş xidmətləri” sayəsində respublikanın müasir tarixinə düşən Robert Koçaryan və Serj Sarkisyanın fəal iştirak etdikləri Qarabağ müharibəsi dövründə baş verən hadisələrə Paşinyanın aidiyyəti olmadığı nəzərə çarpdırılır.
Müəllif vurğulayır ki, Paşinyandan sülhməramlı prosesə yeni siyasi doktrinanın əlavə edilməsini gözləyirdilər. Lakin jurnalistlərin suallarına cavab verərkən erməni baş nazir Azərbaycan tərəfinin ritorikasında boşluqlar axtarmağa üstünlük verdi.
Müəllifin fikrincə, Qarabağ klanının qarışaraq indi Paşinyan müxalifətini təmsil etməsinə baxmayaraq, onun kölgəsi əvvəlki kimi sülhməramlı qüvvələrin başı üzərindədir. Erməni diplomatiyasına son onilliklər rəhbərlik edən metodik göstərişlər əvvəlki kimi aktualdır. Yalnız fərq ondadır ki, indiki siyasi elita tez-tez çaşaraq və öz-özünə ziddiyyət təşkil edərək, heç də əminliklə onlara sahib deyil. (Azərtac)
