Prezident onları təltif etdi – SƏRƏNCAM
Prezident İlham Əliyev Niyaməddin Musayevin təltif edilməsi haqqında sərəncam imzalayıb.
Rakus.az xəbər verir ki, sərəncama əsasən, Azərbaycanda estrada sənətinin inkişafında xidmətlərinə görə Niyaməddin Cabbar oğlu Musayev 2-ci dərəcəli “Əmək” ordeni ilə təltif edilib.
Xatırladaq ki, müğənni, Azərbaycan Respublikasının Xalq artisti, “Şöhrət” ordeni laureatı N.Musayevin bu il 80 yaşı tamam olacaq.
Dövlət başçısı İlham Əliyev Akif İzzətulla oğlu Əsgərovun 2-ci dərəcəli “Əmək” ordeni ilə təltif edilməsi haqqında da sərəncam imzalayıb.
Sərəncama əsasən, Azərbaycanda heykəltəraşlıq sənətinin inkişafında xidmətlərinə görə Akif İzzətulla oğlu Əsgərov 2-ci dərəcəli “Əmək” ordeni ilə təltif edilib.
Xatırladaq ki, heykəltəraş, Azərbaycan Respublikasının Xalq rəssamı A.Əsgərovun sabah 80 yaşı tamam olur.
