“Turan” və “Qoşabulaq” sahədən qalib ayrılıb - FOTO
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə bu gün, sentyabrın 21-də Azərbaycanın şəhid jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turnirində 2-ci turun qruplar üzrə oyunları baş tutub.
Rakus.az xəbər verir ki, A və B qrupu üzrə iki qarşılaşma olub.
İlk olaraq saat 19:00-da “Turan” ilə “Report” güclərini sınayıb.
Bu oyun “Report” üçün turnirə davam və tamam matçı əhəmiyyəti daşıyırdı. Qrupda ilk oyunda məğlub olan media təmsilçisi aktivinə 3 xal yazdırmaq üçün sahədən qalib ayrılmaq istəsə də buna müvəffəq ola bilməyib. “Turan” isə qrupda birinci görüşündə sahədən qalib ayrılaraq rəqibin qapısından 10 top keçirib. “Report” bu qollar dan 2-nin əvəzini çıxsada qrupda qalmaq şansını itirib.
21 sentyabr
II tur
A qrupu
19:00 “Turan” – “Report”- 10:2
Qollar: Fərid Əliyev 6, Orxan Qasımov 2, Mətin Alməmmədli 1, Sənan Ocaqverdiyev 1 – (“Turan”)
Rüstəm Abdullayev 2 (“Report”)
Hakimlər: Ramil Namazov, Vüsal Balaşov
Bu oyunun ardından saat 20:00-da “Baku Ws” ilə “Qoşabulaq” qarşılaşıb.
Hər iki kamandanı yaşıl meydanı gülərək tərk etməsi üçün gərgin mübarizə gedib. “Qoşabulaq” ilk görüşündə məğlub olub, “Baku Ws” isə tamaşaçılar qarşısına ilk dəfə çıxıb. Maraqlı və gərgin keçən oyun yaddaqalan olub. “Qoşabulaq” ilk hissədə oyunu ələ alıb və fasiləyə 2:0 üstünlüklə gedib. İkinci hissədə “Baku Ws” gücünü artırsada fayda verməyib, rəqibinin qapısından cəmi 3 top keçirib. “Qoşabulaq” oyunun sonlarına doğru daha üstün oyun nümayiş etdirib və yaşıl meydandan 4:3 hesabı ilə qalib ayrılıb. Bununlada qrupda maraqlı vəziyyət yaranıb. Aktivinə 3 xal yazdıran qoşabulaqlılar qrupdan çıxmaq üçün son oyunu – “Gənclər 2020″ ilə “Baku Ws” qarşılaşmasının nəticəsini gözləməlidir.
21 Sentyabr
II tur
B qrupu
20:00 BakuWS- “Qoşabulaq” – 4:3
Qollar: Anar Verdiyev 1, Elgün Yusibov 3 – (“Qoşabulaq”)
Orxan Quseynov 2, Ariz Həsənov 1 – (“Baku Ws”)
Sarı kart: İlqar Xələfli, Bəxtiyar Əliyev (“Qoşabulaq”)
Hakimlər: Ramil Namazov, Vüsal Balaşov
Xatırladaq ki, turnir hər birində 3 komanda olmaqla 4 qrupdan ibarətdir və oktyabrın 18-dək başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksələcək. Bu oyunlarında iştirak edəcək 8 komandadan qalib gələn 4 komanda yarımfinala çıxacaq. Yarımfinalda A1-in qalibi C2-nin qalibi ilə, D2-nin qalibi ilə B1-in qalibi görüşəcək. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaq. Oyunlar şənbə və bazar günləri saat 19:00, 20:00-da keçirilir. Oyunları AFFA-nın hakimləri idarə edir. Final oyunu isə oktyabrın 13-də baş tutacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
