Qarabağ atları Moskvada nümayiş olundu - FOTO
Azərbaycanın Qarabağ atları Moskvada keçirilən XXI Beynəlxalq At Sərgisində nümayiş olunub.
Rakus.az xəbər verir ki, “Sokolniki” Sərgi və Konqres Mərkəzində keçirilən “Ekviros” adlı sərgidə ilk dəfə olaraq Azərbaycanın qüruru olan nadir cins Qarabağ atları nümayiş olunub.
Qarabağ atlarının Moskvada keçirilən sərgiyə gətirilməsində göstərdiyi dəstək üçün Azərbaycanın Atçılıq idmanı Federasiyası, Rusiyanın Azərbaycanlı Gənclər Birliyi və Qarabağ atlarının populirizasiyası ilə məşğul olan “Unicorn Challange” kompaniyasına təşəkkür elan edilib.
“Aşırma” və “Solğun” adlı Qarabağ atları sərgi iştirakçılarının böyük marağına səbəb olub.
Sərgi çərçivəsində iştirakçılar Azərbaycanın adət-ənənələri və mədəniyyəti ilə tanış olmaq imkanı əldə ediblər.
Eyni zamanda sərgi iştirakçıları Qarabağ atları barədə ətraflı məlumat alıblar , habelə onlarla xatirə şəkli çəkdirə biliblər. (apa.az)
