Qərbi Azərbaycan Xronikası – ANONS - VİDEO
Bu gün Baku Tv-nin efirində Qərbi Azərbaycan Xronikası layihəsi çərçivəsində hazırlanan “Həyat hekayəsi” verilişinin növbəti buraxılışı efirə gedəcək.
Rakus.az xəbər verir ki, bugünkü buraxılış Azərbaycan Dövlət Pedaqoji Universitetinin beynəlxalq əlaqələr üzrə prorektoru, Azərbaycan Yazıçılar Birliyinin üzvü, Prezident təqaütçüsü, filologiya elmlər doktoru, professor Mahirə Hüseynovanın həyat hekayəsinə həsr olunub.
O, Qərbi Azərbaycanın tanınmış ziyalılarından biri kimi, indiki Ermənistanın, o cümlədən qədim oğuz-türk yurdu olan Dərələyəz mahlının tarixi, toponimləri, etnik tərkibi, ermənilərin ora gəlişi ilə bağlı maraqlı faktlar açıqlayıb.
Professor ermənilərin tarix boyu, zaman-zaman azərbaycanlılara qarşı törətdiyi vəhşiliklərdən, mənfur düşmənin Dərələyəzdə insanlara qarşı vəhşi hərəkətlərindən, erməni məkrliyindən söz açıb.
M.Hüseynova Prezident İlham Əliyevin Qərbi Azərbaycan İcmasında ziyalılarla keçirdiyi görüşdə qarşıya qoyduğu vəzifələri xatırladıb, torpağa bağlılıq, Vətəni sevmək, doğma yurdu boş qoymamaq üçün əzəli torpaqlarımıza qayıdacağımıza əminliyini bildirib.
Mahirə Hüseynovanın “Həyat hekayəsi”nə martın 14-də saat 21:00-da Baku Tv-nin efirində baxa bilərsiniz.
