“Report” İA 5 yaşını qeyd etdi - VİDEO

Report informasiya agentliyi bu günlərdə 5 yaşını qeyd edir.
Rakus.az xəbər verir ki, agentlik 27 oktyabr 2014-cü ildə yaranıb.
Agentliyin 5 yaşı münasibətilə tədbir təşkil olunub. Tədbirdə Agentliyin kollektivi, dövlət və hökümət nümayəndələri, ictimai-siyasi xadimlər və media nümayəndələri iştirak ediblər.
Çıxış edən Prezident Adiministarasiyasının Şöbə müdirinin müavini Vüqar Əliyev Agentliyi təbrik edib və gələcək fəaliyyətində uğurlar arzulayıb.
Vüqar Əliyev ölkəmizdə media sahəsində aparılan uğurlu islahatlar, dövlətin mediaya dəstəyindən danışıb.
Report İA-nın əsas veb-resursu olan www.report.az saytı ötən dövr ərzində özünü digər mətbuat orqanları üçün etibarlı xəbər mənbəyi kimi təsdiqləyib.
Agentliyin xəbərlərini ölkədə fəaliyyət göstərən yüzlərlə informasiya resursu, o cümlədən televiziya, radio, qəzet və xəbər saytları yayımlayır.
Azərbaycan, rus və ingilis dillərində fəaliyyət göstərən Report İnfo agentliyi ötən 5 il ərzində siyasət, iqtisadiyyat, cəmiyyət, idman, mədəniyyət və digər sahələr üzrə ölkədə və dünyada baş verən ən vacib hadisələri operativ şəkildə işıqlandıraraq, özünə geniş oxucu auditoriyası toplayıb.
Report” İnformasiya Agentliyi gündəlik bülletenlər vasitəsilə məlumatların abunəçilərə təqdim edilməsini həyata keçirir. Agentliyin dərc etdiyi məlumatlara abunə olan qurumlar və şəxslər www.report.az saytında gedən xəbərləri, analitik məlumatları oxumaq üstünlüyü qazanırlar.
Tədbirdə Report İA- nin əməkdaşları uğurlu fəaliyyətlərinə görə təltif olundu.
Rakus.az kollektivi bu əlamətdar gün münasibətilə həmkarlarını təbrik edir, onlara gələcək fəaliyyətlərində yeni-yeni uğurlar arzulayırlar.