Rusiya tənqid edir – ABŞ raket sınağı keçirir – TƏHLİL - FOTO
Rusiya ABŞ-ı yer-yer raketi sınadığına görə tənqid edib.
Rakus.az xəbər verir ki, üç həftə əvvəl bu raket iki ölkə arasında mövcud olan silah sazişi altında qadağan idi.
Rusiyanın xarici işlər nazirinin müavini Sergey Rıbakov Pentaqon sınağı elan etdikdən sonra deyib: “Aydındır ki, Birləşmiş Ştatlar hərbi gərginliyi artırmaq kursunu seçib. Rusiya “bahalı silah yarışına” qoşulmayacaq. Bu sınaqdan sonra əldə edilən məlumatlar və çıxarılan nəticələr Müdafiə Nazirliyini gələcək orta-mənzilli raketlərin imkanları barədə məlumatlandıracaq”.
Pentaqon bazar ertəsi bildirib ki, bazar günü Kaliforniyanın San Nikolas adasından atılan raket 500 kilometrlik uçuşdan sonra ‘dəqiq şəkildə hədəfini vurub.
Birləşmiş Ştatlar Rusiya ilə onillər öncə əldə etdiyi Orta-Mənzilli Nüvə Qüvvələri Razılığı altında 500-5000 kilometr məsafə qət edə bilən yer-yer raketləri sınaqdan keçirə bilmirdi.
Vaşinqton Rusiyanın sazişi pozduğunu səbəb göstərərək, avqustun 2-də həmin razılıqdan geri çəkilib.
Pentaqon kruiz raketinin nüvə silahı deyil, adi silah daşımaq üçün hazırlandığını bildirib.
ABŞ-ın yeni müdafiə naziri Mark Esper deyib ki, əgər ABŞ ordusu tam fəaliyyətli mobil yer-yer kruiz raketi sistemi inkişaf etdirsə, o, bu raketlərin Asiyaya raketlərin göndərilməsini istəyir.
Bu ay müdafiə naziri kimi ilk beynəlxalq səfəri zamanı müxbirlərlə danışan M.Esper bildirib ki, bu silahlar Hind-Sakit Okean regionundakı “böyük məsafələr” səbəbilə mühümdür.
O, silahlar hazır olmayanadək raketlərin Asiyanın hansı bölgəsinə göndəriləcəyini söyləməyi rədd edib, lakin bunun yaxın aylarda baş verəcəyinə dair ümidini ifadə edib.
Təhlilçilər diqqəti daha çox ABŞ-ın Orta-Mənzillir Nüvə Silahları Razılığından geri çəkilməsinin Rusiya və ABŞ-a təsirlərinə yönəltsə də, bu dəyişiklik Birləşmiş Ştatatlara Çinə qarşı mövqeyini göcləndirməyə imkan yaradır.
M.Esper vurğulayıb ki, Çinin raket inventarının 80 faizi 500-5000 kilometr məsafə qət edə bilən raketlərdən ibarətdir.
