Rusiya əfqanların görüşünə ev sahibliyi edir -TƏHLİL
Əfqanıstanın aparıcı müxalif siyasətçiləri və “Taliban” üsyançılarının nümayəndələri hər gün tələfatlara səbəb olan Əfqanıstan müharibəsinin sona çatıdrılmasına dair müzakirələr aparmaq üçün çərşənbə günü Rusiyada görüşəcək.
Rakus.az xəbər verir ki, Əfqanıstan konfransı Birləşmiş Ştatlar və “Taliban” arasında birbaşa sülh danışıqlarının üsyançıların bütün hərbi əməliyyatları ABŞ-ın başçılığı ilə beynəlxalq qüvvələr bütünlüklə Əfqanıstandan çıxarılmayana qədər dayandırmaqdan imtina etməsi ilə bağlı aylardır yavaşımadan sonra keçirilir.
Vaşinqton hərbi qüvvələrin Əfqanıstandan çıxarılmasını “Taliban” tərəfindən əks-terror əməliyyatlarının dayandırılması, hərtərəfli atəşkəs və üsyançı qrupun düşmənçiliyə son qoyulması üçün Əfqanıstan hökuməti və digər qruplarla sülh dialoqunda iştirakına dair qarantiyalarla əlaqələndirir.
Rusiya Xarici İşlər Nazirliyinin bildirdiyinə görə, çərşənbə günü sülh danışıqlarından öncə “Taliban” nümayndələri və Əfqanıstan siyasətçiləri Moskva və Kabil arasında diplomatik əlaqələrin qurulmasının 100 illiyi münasibətilə çərşənbə axşamı günü keçiriləcək tədbirə qatılacaq. Xarici işlər naziri Sergey Lavrovun tədbir iştirakçılarını salamlayaraq nitq söyləyəcəyi bildirilir.
Tədbirə qatılanlar arasında Əfqanıstanın keçmiş prezidenti Həmid Karzai və Əfqanıstanın Sülh Şurasının rəhbəri Məhəmməd Kərim Xəlili də olacaqlar. Sülh Şurası qarşısında əsas vəzifə silahlı qruplar arasında barışığın əldə edilməsinə nail olmaqdan ibarətdir.
“Taliban” sözçüsünün bildirdiyinə görə, qərargahı Qətərdə yerləşən qrupun Moskvada keçiriləcək görüşdə iştirak etmək üçün 14 nəfərdən ibarət nümayəndə heyətinə Molla Əbdül Qəni Baradar başçılıq edəcək.
Bu, “Taliban”ın yüksək səviyyəli rəsmiləri və Əfqanıstan müxalifətinin nümayəndələrinin Rusiyada keçirəcəyi ikinci görüş olacaq. Bu ilin fevral ayında keçirilən ilk görüşdə üsyançıların etirazlarına görə Əfqanıstan hökumətinin nümayəndələri iştirak etməmişdi.
Rusiya regionda artan nüfuzu və “Taliban” qrupu ilə kontaktlarından istifadə edərək, son zamanlar Əfqanıstanda müharibəyə son qoyulması üçün diplomatik səylərini artırıb. Rusiya, Birləşmiş Ştatlar və Çin keçən ay keçirilən görüşdə üç ölkənin ABŞ-ın “Taliban”la müzakirə etdiyi sülh razılaşmasının planı üzrə razılıq əldə etdiyini bildirib. Razılığın detalları ilə bağlı məlumat verilməyib.
