Şair Nizami Elyanarın “İşğaldan qələbəyə” kitabının təqdimatı olub - FOTO
Binəqədi rayon M. Ə. Rəsulzadə bələdiyyəsində qəsəbə sakini, şəhid atası, Azərbaycan Yazıçılar Birliyinin üzv, şair Nizami Elyanar Göyçəvinin 70 illik yubileyinə və yeni işıq üzü görmüş “İşğaldan qələbəyə” kitabının təqdimatına həsr olunmuş tədbir keçirilib.
Rakus.az xəbər verir ki, tədbirdə ziyalılar, alimlər, şairlər, yazarlar, tarixçilər, aşıqlar, müəllimlər, Rəsulzadə qəsəbəsinin sakinləri iştirak ediblər.
M. Ə. Rəsulzadə bələdiyyəsinin sədri Hümbət Hüseynov tədbiri açıq elan etdikdən sonra şəhidlərimizin ruhu bir dəqiqəlik sükutla yad edildi.
O, yubilyarı təbrik edərək bu tədbirin bələdiyyədə ilk dəfə keçirilməsini və bundan sonra belə təqdimatların tez-tez təşkil olunmasının vacibliyini bildirib, Nizami müəllimin yaradıcılığından, onun kitablarından, yazdığı əsərlərində vətənpərvərlik, el-obaya sevgi, təbiətin gözəllikləri, xalqımızın qəhrəmanlığı, Qarabağ müharibəsində qələbəmiz, yurd həsrəti haqqında məlumat verib.
Onun oğlu Türkayın Vətən müharibəsində qəhrəmanlığından, torpaqlarımızın azad olnuması uğurunda döyüşlərdə şəhid olmasından danışan bələdiyyə sədri dövlətimizin, prezidentimizin şəhid ailələrinə, qazilərə, müharibə iştirakçılarına qayğısını da xüsusilə vurğulayıb.
Şair Nizami Elyanar tədbirin təşkilatçılarına və iştirakçılarına təşəkkür edib. yaradıcılığından və xatirələrindən danışıb.
Tədbirdə çıxış edənlər “Zəngəzur” qəzetinin redaktoru Vaqif Səmədov, Qərbi Azərbaycan (ermənistan) Azadlıq Təşkilatı İdarə heyətinin sədr müavini, araşdırmaçı Vüqar Abduyev, həvəsakar şair, ADİU-nin dosenti və müəlimi Bayraməli Qurbanov, şair-tərcüməçi Aydın Uluxanlı, Qərbi Azərbaycan (ermənistan) Azadlıq Təşkilatı İdarə heyətinin sədri, araşdırmaçı Əli Vəliyev, jurnalist Əsgər İbrahimov, professor Valeh Mirzəyev, ADİU-nin dosenti və müəllimi Sultanəli Qurbanov, 115 saylı xüsusi rejimli tam orta məktəbin direktoru İmdad Kazım, şairin Ardanış kəndindəki qonşusu Fəxrəddin Hacızadə, AMEA-nın elmi işçısi, şöbə müdiri Tanrıverdi Paşayev, sair-publisist Vaqif Kərim, şairin qonşusu Qəzənfər Əhmədov, AMEA-nın elmi işçisi dosent İlyas Əliyev və başqaları şairin yaradıcılığında, onunla bağlı xatirələrindən, rəhmətlik oğlu Türkayın qəhrəmanlığından danışıb və şairi 70 illik yubileyi münasibətilə təbrik edib, yeni yaradıcılıq uğurları arzulayıblar.
Bədii qiraətçi Müşviqə Əhmədova şairin şerlərini oxuyub, Aşıqlar Birliyinin üzvü aşıq Bəhmən Göyçəli, aşıq İmran Ardanışlı ifaları ilə tədbiri dahada rövnəqləndiriblər.
Sonda Rəsulzadə bələdiyyəsi adından el şairi mükafatlandırılıb və xatirə şəkili çəkdirilib.
Əli Vəliyev
