Salyanın Babazanlı yaşayış massivinə asfalt yolu çəkilir - FOTO
Salyan rayonunun Babazanlı yaşayış massivinə asfalt yolunun çəkilişinə start verilib.
Rakus.az xəbər verir ki, müasir standartlara cavab verəcək yol on minlərlə sakinin rayon mərkəzinə, digər kəndlərə, paytaxt Bakıya və ölkənin digər yaşayış məntəqələrinə rahat gediş-gəlişini təmin edəcək.
Sakinlər bu yolun çəkilişini çoxdan gözlədiklərini bildirərək, bunu dövlət başçısının bölgələrə diqqət və qayğısının bariz nümunəsi kimi qiymətləndiriblər. Rayon rəhbərliyinin son illər gördüyü işləri təqdir edən sakinlər bir neçə kilometr uzunluqa malik bu yolun onların yaşayış tərzinə müsbət təsir edəcəyini, nəqliyyat vasitələrinin tez-tez sıradan çıxmayacağını və rahat şəkildə istədikləri yerə gedəcəklərini xüsusi vurğulayıblar.
Xatırladaq ki, müasir tələblərə uyğun inşa olunun ikizolaqlı yoldan nəqliyyat vasitələrinin iki istiqamətə sərbəst şəkildə hərəkəti nəzərdə tutulub.
Yolun çəkilişi prosesindən hazırladığımız fotoreportajı təqdim edirik:
.jpeg)
