Şəhid İsmayılov Mirrəhim Mirmehdi oğlu - FOTO - VİDEO
Bakı. Rakus.az
İsmayılov Mirrəhim Mirmehdi oğlu 1996-cı il sentyabrın 2 də Ağdam rayonunun Çəmənli kəndində anadan olub.
İlk təhsilini Ağdam rayonunun Çəmənli kəndi Şəhid Ziyəddin İsgəndərov adina məktəbdə alıb. Evin kiçiyi olub. Hərbi xidmətini sərhəd qoşunlarında yerinə yetirib.
Ağdərə və Kəlbəcər uğrunda gedən döyüşlərdə iştirak edib və şəhid olub. 27 noyabr 2020 ci ildə Ağdamın Quzanlı kəndində şəhidlər xiyabanında dəfn edilib.
Azərbaycan Respublikasının Prezidenti İlham Əliyevin 15 dekabr 2020-ci il sərəncamı ilə əsgər İsmayılov Mirrəhim Mirmehdi oğlu (ölümündən sonra) Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarında iştirak etməsi və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirməsinə görə “Vətən uğrunda” medalı ilə təltif edilib.
.jpg)
Xatırladaq ki, təhsil ocaqlarında çox gözəl təşəbbüs irəli sürülmüşdür. Hər sinfə bir şəhid övladımızın adı verilir. Bu Şəhid oğullarımızın ruhunu yaşatmaq və gələcək nəsillərə onların qəhrəmanlıqlarını ötürmək məqsədi daşıyır.
İsmayılov Mirrəhim Mirmehdi oğlunun adı 20 nömrəli məktəb – liseyin Nailə Məmmədovanın sinif rəhbəri olduğu 5a sinfinə verilmişdir. Uşaqlar Şəhidimizin adını hər gün dərin ehtiramla yad edir. Və onun mübariz yolunu davam edəcək, Vətənin davamçı qoruyucuları olacaqlarını vurğulayırlar.
