“Sovetski” belə oldu - FOTO
Bakı Mərkəzi Parkının 1-ci hissəsində tikinti işləri başa çatdırılıb.
Rakus.az xəbər verir ki, bu barədə “SkyscraperCity Azerbaijan” səhifəsində məlumat verilib.
Qeyd olunub ki, parkın birinci hissəsi bu ilin may ayının sonuna kimi şəhər sakinlərinin istifadəsinə veriləcək.
Məlumata görə, parkın bu hissəsi yerüstü piyada keçidləri və zolaqların birləşdirdiyi altı hissədən ibarət olacaq. Burada şəhər sakinləri və qonaqlar üçün bir neçə istirahət və əyləncə yerləri təqdim olunacaq.
Xatırladaq ki, Bakının “Sovetski” kimi tanınan ərazisində söküntü işləri başa çatdıqdan sonra 2016-cı ilin avqustundan yeni yolların çəkilməsi, yaşıllaşdırma və abadlıq işlərinin aparılması layihəsi çərçivəsində bir çox işlər görülüb. Həmin layihələrdən ən əsası “Sovetski”nin yerində salınan böyük parklardan biridir.
