Təməlində BDU-lu günlərim dayanır… – Əflatun Amaşov
Mən həmişə doğma universitetimizi Azərbaycan ali məktəblərinin zirvəsi saymışam, indi də fikrimdə qalıram.
Rakus.az xəbər verir ki, bunu millət vəkili, Azərbaycan Mətbuat Şurasının sədri Əflatın Amaşov bildirib.
Qeyd üdib ki, bir əsr əvvəl müstəqil respublikamızda yaranan ilk elm ocağı kimi o, digərləri üçün bir beşik olub. Bu beşik möhkəmliyinə, sağlam təməllərinə görə yetirmələri üçün indinin özündə də mayakdır. Dünya şöhrətli şəxsiyyətlərin yetişməsində BDU-nun malik olduğu möhtəşəm potensial daim öz sözünü deyib. Zənnimcə, ümummilli liderimiz Heydər Əliyevin və Azərbaycan tarixində əbədi qalacaq digər şəxsiyyətlərin, tanınmış simaların adlarını çəkmək kifayətdir.
Millət vəkili sonda medalla təltif olunmasını belə dəyərləndirib:
“Bu baxımdan layiq görüldüyüm ‘Bakı Dövlət Universitetinin 100 illiyi (1919-2019)’ medalını sıradan bir təltif sanmıram. Elə bilirəm ki, onu sinəsində gəzdirən hər bir şəxsdə əsr ərzində keçilən yola ani də olsa nəzər salmaq istəyi yaranır. Ən azı tələbəlik dövründə daxil olduğumuz auditoriyalar, unudulmaz müəllimlərimiz, bioqrafiyamıza yazılmış yaşantılar göz önündə canlanır. Hesab edirəm ki, həyatımda nəyə nail olmuşamsa, təməlində BDU-lu günlərim dayanır…”
