Xatirə Turniri başa çatır: final matçı və bombardirlər CƏDVƏLİ
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turniri oktyabrın 19-da başa çatır.
Rakus.az xəbər verir ki, bu il sentyabrın 14-də start götürən turnir artıq sona yaxınlaşır. Ötən şənbə günü – oktyabrın 12-də keçirilən yarımfinal oyunlarının nəticələrinə görə, C və D qruplarının liderləri olmuş “Ardanış” və “Göyçə” adlarını finala yazdırıblar. Bu komandalar kubok üçün tər tökəcək. A qrupundan “Turan” ilə B qrupundan “Gənclər 2020” isə 3-cü yer uğrunda mübarizə aparacaq.
Üçüncü yer və final oyunları oktybarın 19-da baş tutacaq. İlk olaraq saat 21:00-da yaşıl meydana “Gənclər 2020” ilə “Turan” çıxacaq. Ardınca saat 22:00-da “Ardanış” ilə “Göyçə” qarşılaşacaq. Bu oyundan sonra turnirin mükafatlandırılması və bağlanış mərasimi olacaq.
Tennis Akademiyasında keçiriləcək oyunları AFFA-nın hakimləri idarə edəcəklər.
OYUNLARIN CƏDVƏLİ
19 oktyabr
III-cü yer
saat 21:00
“Turan”-“Gənclər 2020”
FİNAL
saat 22:00
“Ardanış” – “Göyçə”
Bağlanış-Mükafatlandırma
saat 23:00
BOMBARDİRLƏR CƏDVƏLİ
Hazırda bombardirlik siyahısına 14 qolla Fərid Əliyev başçılıq edir. Pərviz Həsənov (7), Azər Hüseynov (7), Əsgər İbrahimov (6) qol vurub.
Xatırladaq ki, turnir hər birində 3 komanda olmaqla 4 qrupdan ibarətdir və oktyabrın 19-da başa çatacaq. Qruplar üzrə dairəvi sistemlə keçiriləcək mübarizə nəticəsində qrupda xal və top hesabına 1 və 2-ci yeri tutan komandalar 4/1-ə yüksəlib. Bu oyunlarında iştirak edən 8 komandadan qalib gələn 4 komanda yarımfinala çıxıb. Yarımfinalda A1-in qalibi D1-in qalibi ilə, B1-in qalibi ilə C1-in qalibi görüşüb. Qruplar üzrə qalib komandalar FİNAL-da, məğlublar isə 3-cü yer uğurunda qarşılaşacaqlar. Oyunlar şənbə günü saat 21:00 və 22:00-da keçiriləcək. Oyunları AFFA-nın hakimləri idarə edəcək. Final oyunu isə oktyabrın 19-da baş tutacaq. Xatirə turnirində qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
