Xaricdəki soydaşlarımızın saytı olacaq
“Çox güman ki, yaxın zamanlarda ictimai təşkilat yaradaraq onların Azərbaycanda görüşlərini də təşkil etməyə çalışacam…”
Rakus.az xəbər verir ki, bunu ABŞ-da yaşamaqla xaricdəki soydaşlarımız haqqında mütəmadi məlumatlar verən urnalist Elman Eldaroğlu bildirib.
Qeyd edib ki, Vətənə qayıdandan sonra üzləşdiyim bir sıra məişət qayğılarına başım qarışdığı üçün xaricdə yaşayan soydaşlarımız haqqında söhbətlərim yarımçıq qalıb. Amma tezliklə sizi Avropa, Asiya, Amerika qitələrində məskunlaşan uğur qazanmış azərbaycanlılarla tanış etməyə davam edəcəm.
Çox güman ki, yaxın zamanlarda ictimai təşkilat yaradaraq onların Azərbaycanda görüşlərini də təşkil etməyə çalışacam…
Daha sonra bildirib ki, qürbətdə yaşayanlardan bəhs edən sayt artıq hazırdır və eləcə də tezliklə eyniadlı qəzet də təsis edib ixtiyarınıza verəcəyik.
