Xatirə Turnirinin FİNAL oyunu – Çempion kim olacaq?
Müstəqilliyin Bərpası Günü (18 oktyabr) və Zəfər Günü (8 Noyabr) münasibətilə Azərbaycanın Şəhid Jurnalistlərinin xatirəsinə həvəskar komandalardan ibarət 3-cü Ənənəvi Minifutbol Turnirində şənbə günü final oyunu və bağlanış mərasimi keçiriləcək.
Rakus.az xəbər verir ki, oktyabrın 19-da Bakı Tennis Akademiyasının stadionunda saat 21:00-da üçüncü yer uğrunda görüş olacaq. “Turan” ilə “Gənclər 2020” bürünc medal üçün tər tökəcək.
Komandaların heyətləri:
“Turan” – Mirishaq Səfərov, Məlikov Fuad, Abdullayev Zöhrab, Mətin Almammədli, Həsənli Rauf, Axundzadə Sadiq, Mirzəyev Turan, Xudiyev Seymur, Ocaqverdiyev Sənan, Qasımov Orxan, Ağazadə Rahid, Aslan İsmayılov.
“Gənclər 2020” – Bayram Əliyev, Elnur Ağamalıyev, Rauf Məhəmmədov, İlkin Kərimli, Ümman Ağamalıyev, Bürhan Hətəmli, Fariz Ağamalıyev, Emil Qurbanzadə, Tural Nağıyev, Ruslan Hətəmli, Ruslan Əliyev, Mustafayev Elvin.
19 oktyabr
III-cü yer
saat 21:00
“Turan”-“Gənclər 2020”
xxx
Bu görüşdən sonra final oyununa start veriləcək.
Turnirin güclü komandaları olan “Ardanış” ilə “Göyçə” kubok uğrunda güclərini yoxlayacaq. Oyun taktikasına və heyət tərkibinə görə bir-birindən fərqlənən komandalardan kimin çempion olacağı maraq doğurur. Bu matç həm də “ən yaxşı oyunçu”, “ən çox qol vuran oyunçu” nominasiyalarının müəyyənləşməsi baxımından da xüsusi əhəmiyyət daşıyır.
Komandaların heyətləri:
“Ardanış” – Elvin İsmayılov, Azər Hüseynov, Elçin Zeynalov, Elçin İsmayılov, Elşən Nəsibov, Ramiz Hüseynov, Vüsal Hüseynov, Emin Ələsgərov, Ayxan Abbasov, Emin İmaməliyev, Ramin Musayev, Əsgər İbrahimov – Rasim Həsənov (Baş məşqçi).
“Göyçə” – Əkbər Hüseynli, Elcan Cabbarlı, Oruc Məmmədov, Rəvan Alışov, Aslan Bağırov, Seymur Usanov, Yaşar Abbas, İlkin Babayev, Əbülfət Abbasov, Güvən Məmmədov, Anar Qasımov, Nihad Yusibov – Rizvan Əsgərov (Baş məşqçi)
19 oktyabr
Final
Saat 22:00
“Ardanış” – “Göyçə”
xxx
Final qarşılaşması başa çatdıqdan sonra turnirin mükafatlandırma və bağlanış mərasimi keçiriləcək. Qaliblərə və iştirakçılara kubok, medal və təşəkkürnaməsi və xatirə hədiyyələri təqdim olunacaq.
Tennis Akademiyasında keçiriləcək oyunları AFFA-nın hakimləri idarə edəcəklər.
xxx
Sonra turnirin bağlanış mərasimi keçiriləcək. Qalib komandalara, eləcə də “ən yaxşı oyunçu”, “ən çox qol vuran”, “nümunəvi komanda” nominasiyaları üzrə kubok, medal və hədiyyələr nəzərdə tutulub.
Bağlanış-Mükafatlandırma
Saat 23:00
OYUNLARIN CƏDVƏLİ
Hazırda bombardirlik siyahısına 14 qolla “Turan” ın oyunçusu Fərid Əliyev başçılıq edir. “Göyçə” dən Pərviz Həsənov (7), “Ardanış” dan Azər Hüseynov (7), Əsgər İbrahimov (6) qol vurub.
Xatırladaq ki, Rakus.az saytının təşkilatçılığı, Bakı Tennis Akademiyasının dəstəyi ilə keçirilən turnirin məqsədi Birinci və İkinci Qarabağ savaşında canlarını fəda etmiş mərd mübarizlərin, eləcə də 44 günlük Vətən müharibəsi iştirakçılarının qəhrəmanlıq nümunələrini yaşatmaq, şəhid jurnalistlər Məhərrəm İbrahimov və Sirac Abışovun timsalında erməni terrorunun qurbanı olan media nümayəndələrimizin – Çingiz Mustafayevin, Kazımağa Kərimov, Osman Mirzəyev, Alı Mustafayev, Fəxrəddin Şahbazov, Arif Hüseynzadə və Salatın Əsgərovanın əziz xatirəsini anmaq, yeni nəslin sağlam ruhda, vətənpərvər böyüməsinə töhfə verməkdir.
İldə bir dəfə təşkil olunan turnirdə bu il 12 komanda – “Ardanış, AzTv, AZƏRTAC, BAKU.WS, “Report” “Nərimanlı”, “Veteranlar”, “Turan”, “Hərbçilər”, “Gənclər 2020”, “Qoşabulaq” və “Göyçə” adı altında mübarizə aparıb. Turnirdə Azərbaycan mediasını 4 komanda – AzTv, AZƏRTAC, BAKU.WS və “Report” təmsil edib.
“Mister Tum”, “Bee Tours” şirkətlərinin tərəfdaşlığı ilə keçirilən Ənənəvi Xatirə Turnirinə informasiya dəstəyini AzTv, Baku TV, AZƏRTAC, “Report” İnformasiya agentlikləri, BAKU.WS portalı, Rakus.az və Manşet.az saytaları verir.
