Yunanıstan və Moldova səfirinin fəaliyyəti başa çatdı – YENİLƏNDİ - FOTO
Xarici işlər naziri Elmar Məmmədyarov Yunanıstanın Azərbaycanda səfiri Nikolaos Kanellos ilə diplomatik fəaliyyətinin başa çatması münasibətilə görüşüb.
Rakus.az xəbər verir ki, Nazirliyin mətbuat xidmətindən verilən məlumata görə, görüşdə tərəflər Azərbaycan və Yunanıstan arasında mövcud olan əməkdaşlıq münasibətləri üzrə fikir mübadiləsi aparıblar.
Səfir Nikolaos Kanellos diplomatik fəaliyyətinin uğurla həyata keçirilməsində ona göstərilən dəstəyə görə təşəkkürünü bildirib. Nazir Elmar Məmmədyarov səfir Nikolaos Kanellosun ikitərəfli münasibətlərin inkişafı istiqamətindəki səylərini yüksək qiymətləndirib və ona gələcək fəaliyyətində uğurlar arzu edib.
Tərəflər arasında, habelə qarşılıqlı maraq doğuran digər məsələlər ətrafında fikir mübadiləsi aparılıb.
16:59
Xarici İşlər naziri Elmar Məmmədyarov Moldovanın Azərbaycandakı səfiri George Leuka ilə diplomatik fəaliyyətinin başa çatması münasibətilə görüşüb.
Rakus.az xəbər verir ki, nazirliyin mətbuat xidmətindən verilən məlumata görə, görüşdə tərəflər iki ölkə arasında ikitərəfli münasibətlərin hazırkı durumu, əməkdaşlığın cari inkişaf səviyyəsi və perspektivləri barəsində fikir mübadiləsi aparıblar. İki ölkənin Xarici İşlər nazirlikləri arasında növbəti siyasi məsləhətləşmələrin gələn ilin əvvəlində Moldovada keçiriləcəyi qeyd olunub.
Nazir GUAM çərçivəsində ölkələr arasında səmərəli əməkdaşlığı vurğulayıb və təşkilatın iqtisadi ölçüsünün möhkəmləndirilməsinin əhəmiyyətini qeyd edib.
Tərəflər ikitərəfli əlaqələrin inkişafının uğurla davam etdiyini bildirib, iqtisadi və enerji sahələrində əməkdaşlığın daha da inkişaf etdirilməsinin vacibliyini vurğulayıblar.
Səfir George Leuka diplomatik fəaliyyəti müddətində ona göstərilən dəstəyə görə təşəkkürünü ifadə edib. Bu xüsusda, diplomat Azərbaycanda və Moldovada keçirilən sərgilərin, konsertlərin, hər iki ölkənin milli bayramları münasibətilə təşkil olunan tədbirlərin, həmçinin azərbaycanlı və moldovalı müəlliflərin kitablarının hər iki dilə tərcümə olunmasının əhəmiyyətini qeyd edib.
Görüşdə, həmçinin tərəflər arasında qarşılıqlı maraq doğuran regional və beynəlxalq təhlükəsizlik məsələləri üzrə fikir mübadiləsi aparılıb.
Elmar Məmmədyarov səfir George Leukanın ikitərəfli münasibətlərin inkişafı istiqamətindəki səylərini yüksək qiymətləndirib və ona gələcək fəaliyyətində uğurlar arzu edib.
