Zəvvarların daha iki qrupu bu gün yola düşür
Azərbaycandan Həcc ziyarətinə gedən zəvvarların daha iki qrupu bu gün Səudiyyə Ərəbistanına yola düşəcək.
Rakus.az xəbər verir ki, bu barədə Qafqaz Müsəlmanları İdarəsindən məlumat verilib.
Bildirilib ki, hər qrupda 180 zəvvar olmaqla bu gün yola düşür. Qruplardan biri saat 11:00, digəri isə 13:00 radələrində yola düşəcək.
Ötən gün isə hər biri 180 zəvvardan ibarət olmaqla iki qrup Şəudiyyə Ərəbistanına yola düşmüşdür.
Bu il Azərbaycandan Həcc ziyarətinə getmək üçün 1400 nəfərlik kvota qoyulub.
Xatırladaq ki, zəvvarların avqustun 2-dən 6-a qədər Həcc ziyarətinə yola düşmələri, avqustun 21-dən 25-ə qədər isə Azərbaycana dönmələri planlaşdırılır. Onlar 8 təyyarə reysi ilə yola salınırlar.
Bu il Həcc ziyarətinin qiyməti 4285 ABŞ dolları təşkil edir.
