Trampın Britaniyaya DÖVLƏT SƏFƏRİ davam edir
Xəbər verdiyimiz kimi, ABŞ Prezidnti Donald Trampın Böyük Britaniyaya dövlət səfəri davam edir.
Rakus.az xəbər verir ki, Baş nazir Tereza Mey və ABŞ Prezidenti Donald Tramp Londonda görüş keçiriblər.
İki lider iki ölkə arasında ticarət əlaqələrini genişləndirmək istədiklərini bildirib.
“Dəyirimi masa” görüşündə Tramp tərəflərin çox əhəmiyyətli və ədalətli ticarət razılaşmasına nail ola biləcəklərini deyib.
T.Mey öz növbəsində bildirib ki, Britaniya və ABŞ iqtisadi əməkdaşlıqlarını ikitərəfli ticarət razılaşması ilə genişləndirə bilər və onun hökuməti azad və açıq bazar siyasətinə inanır.
Biznes liderləri ilə görüşdə onlarla qabaqcıl İngiltərə və ABŞ şirkətlərinin liderləri iştirak edib.
Biznes liderləri ilə görüşündən əlavə mətbuat konfransından sonra Tramp və Mey ikitərəfli ticarət əməkdaşlığı barədə planları və digər məsələləri müzakirə edəcək.
Daha sonra Tramp və Melaniya şahzadə Çarlz və onun həyat yoldaşı Kamilla ilə şam ziyafətinə qatılıb.
Bu arada Trampın səfərinin əlehdarları çərşənbə axşamı Londonda nümayişlər keçirib.
Nümayişçilər əllərində plakatlar tutub və Tramp əleyhinə şüarlar səsləndirib.
