Ermənilər mülki traktoru snayper atəşinə tutdu
“Azərbaycan Ordusunun Naxçıvan Muxtar Respublikası istiqamətində yerləşən bölmələri tərəfindən erməni kəndinin atəşə tutulması barədə Ermənistan mətbuatının yaydığı məlumatın heç bir əsası yoxdur, yalandır və dezinformasiya xarakteri daşıyır”.
Rakus.az xəbər verir ki, bu barədə Azərbaycan Müdafiə Nazirliyindən bildirilib.
“Eyni zamanda bildiririk ki, bu gün səhər saatlarında Göygöl rayonu ərazisində təsərrüfat işləri görən mülki traktor Ermənistan silahlı qüvvələrinin bölmələri tərəfindən snayper atəşinə məruz qalıb, itki yoxdur. Cavab tədbirləri nəticəsində düşmən susdurulub”, – deyə nazirlikdən qeyd edilib.
Xatırladaq ki, erməni KİV-i Azərbaycan Ordusunun Naxçıvan Muxtar Respublikası istiqamətində yerləşən bölmələri tərəfindən guya erməni kəndinin atəşə tutulması barədə məlumat yayıb.
