İngiltərə “Kobra” toplantısını çağırdı – TƏHLİL
Hörmüz boğazında baş vermiş hadisədən bir neçə gün sonra İngiltərə təcili olaraq “Kobra” təhlükəsizlik toplantısını çağırıb.
Təbii ki belə bir sual ortaya çıxır. İngiltərərənin Kobra təhlükəsizlik toplantısını çağırılmasının mahiyyəti nədir və pərdəarxası məqamları nələrdir?.
Birincisi, “Kobra” təhlükəsizlik toplantısı Ingiltərədə fövqəladə hallar zamanı çağrılır. Məsələn, teror və ya müharibə təhlükəsi olduqda. Düşünürəm ki İngiltərə son hadisəni olduqca ciddiyə alıb və İrana daha adekvat cavab verməyə hazırlaşır.
İkincisi, Tanker krizinin başladığı ilk gündən düşünürəm ki, bütün bu hadisələr ABŞ tərəfindən Irana qarşı yönəlmiş provakasyadan başqa bir şey deil. Məsələ ondadır ki, ABŞ İrana qarşı yalnız mübarizə aparmaq istəmir. Lakin avropalı müttəfiqləri də Iranla aralarını pozmağa maraqlı deyil. İş belə olduqda ABŞ İranın Avropa ölkələri üçündə təhlukə kəsb etdiyini isbat etməliydi. Bu məsələdə Tanker kiziylə başlayan hadisələr silsiləsi planlı şəkildə baş verdi. Nəticə etibarilə bu gun ABŞ İranla mübarizədə İngiltərənidə cəlb edə bilib.
Üçüncüsü, qeyd edim ki, Hörmüz boğazı və Fars körfəzi etrafında çoxsaylı İngilis və ABŞ gəmiləri mövcuddur. İranın saxladığı Ingiltərəyə məxsus gəmi isə Ingiltərədən Səudiyyə Ərəbistanı istiqamətində hərəkət edirdi. Lakin gəmi Hörmüz boğazının İrana məxsus hissəsindən keçdiyi üçün saxlanılıb. Burdan bir daha görünür ki, gəminin Hörmüz boğazının İran hissəsindən keçməsi açıqca provakasyadır və İran tərəfidə təəssüf ki, bu provakasyanı anlamadı.
Onu deyə bilərəm ki, Fars körfəzində sular önümüzdəki günlərdə olduqca isinəcək. Çünki İngiltərə bu hərəkətin cavabını nəticəsi nə olur olsun vermək istəyəcək. İran tərəfi də öz növbəsində ölkəsinin suverenliyi və təhlükəsizliyi baxımından ediləcək hər bir hərəkətə cavabsız qalmayacaq. Hadisələrin bu məcrada irəliləməsi isə ABŞ-ın maraqlarına xidmət edir.
Analitik Ehtiram Aşırlı
