Mobil telefondan istifadə qadağan olunmalıdır – EKSPERT
“Mobil telefon artıq həyatımızın bir parçasına çevrilib. Yəni, bunu tam qadağan etmək yox, müəllim və şagirdlərə təlim prosesi zamanı, valideynlərə də dərs prosesinə mane olduqları halda mobil telefondan istifadəyə qadağa qoyulmalıdır”.
Rakus.az xəbər verir ki, bunu təhsil eksperti, Azad Müəllimlər Birliyinin sədri Məlahət Mürşüdlü isə bildirib ki, dərs vaxtı mobil telefondan istifadə birmənalı şəkildə qadağan olunmalıdır: “Biz bunu illərdir deyirik, çünki müşahidələrimiz onu göstərir ki, tədris prosesində mobil telefonlardan istifadə edən şagirdlər də, müəllimlər də var. Dərs vaxtı çəkilən müxtəlif videoların olması, şagirdlərin dərs vaxtı sosial şəbəkədə olması və s. buna sübutdur. Dəfələrlə deyirik ki, bunun qarşısı alınmalıdır. Mobil telefon artıq həyatımızın bir parçasına çevrilib. Yəni, bunu tam qadağan etmək yox, müəllim və şagirdlərə təlim prosesi zamanı, valideynlərə də dərs prosesinə mane olduqları halda mobil telefondan istifadəyə qadağa qoyulmalıdır. Bununla bağlıı müxtəlif təcrübələr var. Özəl məktəblərdə hər sinifdə bir şkaf var. Şagirdlər məktəbə gələndə valideynlərinə çatmaqları barədə xəbər verirlər. Daha sonra telefonlar söndürülüb həmin şkafa qoyulur, həmin şkaf da bağlanır. Düşünürəm ki, müəllimlər otağında da o cür şkaf olmalıdır, dərs zamanı telefonlar həmin şkafa qoyulmalıdır. Xüsusi bir hal yaranarsa, kimsə özünü pis hiss edərsə, həmin vaxt mobil telefondan istifadəyə icazə verilə bilər. Bunu etmək elə çətin bir şey deyil, bunun üçün xüsusi bir qanuna da ehtiyac yoxdur, Təhsil Nazirliyinin daxili əmri ilə tənzimlənən bir şeydir. Pedaqoji Şuranın özünün qərarı ilə də bu addımı atmaq olar. Düşünürəm ki, builki tədris ilindən başlayaraq bunu həyata keçirmək lazımdır. Bununla bağlı hər hansı bir əmr verilsə, mütləq əməl edilməlidir. Verilən əmrə hamı birmənalı əməl etməlidir”.
