İran tankeri yükünü satdı
ABŞ ilə böyük bir diplomatik mübahisənin mərkəzində dayanan neft tankeri öz yükünü satıb.
Rakus.az xəbər verir ki, İRNA xəbər agentliyi İran xarici işlər nazirliyinin sözçüsü Abbas Musəviyə istinadən “Adrian Dərya”nın Aralıq dənizi sahilinə yan alaraq yükünü orada boşaltdığını bildirib. Musəvi həmin ölkə ilə bağlı ətraflı məlumat verməyib.
Qaranlığa qərd olmuş tankerin şəkilləri keçən həftə Suriyanın sahilində peyk tərəfindən çəkilib.
Avropa İttifaqının Suriyaya neft satışına qarşı sanksiyalarını pozmaqda şübhəli bildikdən sonra “Adrian Dərya” gəmisi Cəbəllütariqdə Britaniya dəniz piyadaları tərəfindən ələ keçirilmişdi.
Altı həftə Britaniya ərazisində saxlanan tanker Avropa Birliyinin sanksiyaları ilə üzləşən heç bir ölkəyə yük boşaltmayacağına dair zəmanət vedikdən sonra sərbəst buraxılmışdı.
Bazar günü Musəvi İran tərəfindən ələ keçirilən Britaniya bayrağı altındakı “Stena Impero” tankerinin tezliklə sərbəst buraxılacağına işarə edib.
Tankerlərin saxlanması Tehran və Qərb qüdrətləri arasında gərginliklərin eskalasiyasına səbəb olub.
Bu insidentlər qismən ABŞ prezidenti Donald Trampın ölkəsini 2015-ci ildə əl də olunmuş nüvə anlaşmasından çıxarmasından qaynaqlanır. Bu addımın ardınca Tramp administrasiyası İrana çökdürücü sanksiyalar tətbiq edib.
