“Survivor” və “MasterChef” gələn il yayımlanacaq
“Deməzdim ki, bu, sonuncu “Maşın”dır. Amma növbəti “Maşın”adək çox böyük fasilə verəcəyik”.
Rakus.az xəbər verir ki, bu sözləri Xalq artisti Murad Dadaşov “ATV səhər” proqramında deyib.
O söyləyib ki, “Maşın” realiti şousunun 19-cu mövsümü uzun müddət sonra efirdə olacaq. Onun yerinə isə MGP-nin lisenziyasını aldığı dünya şöhrətli layihələr “MasterChef” və “Survivor” 2020-ci ildə ekrana gələcək:
“Şirkətimiz 2020-ci ildə qarşısına yeni məqsədlər qoyub. Onların içərisində dünya formatları da var. Hətta bizim icad etdiyimiz layihələr var. “Maşın”ın şanlı reytinqli tarixini bitirmək istəyirik. İstəmirəm ki, insanlar məni yalnız “Maşın” şouya görə yadda saxlasın, bir obraz qurbanı oldum. Bu şou Azərbaycanın müasir televiziyasında xüsusi layihədir”.
Qeyd edək ki, “Maşın” şounun “Maskarad” konseptli 18-ci mövsümü bugündən start götürür.
