Dubayda yaşayan azərbaycanlı model Samirə Ağayeva ərəb biznesmen Selaiman Əzizi ilə nişanlanıb.
Rakus.az xəbər verir ki, bu barədə model “Instagram”da paylaşıb.
Ortaq dostları tərəfindən tanış olan cütlüyün yaxında toyu olacağı gözlənilir.
Onların hər ikisi sosial şəbəkə hesabında bir-birinin adını qeyd edib.
Samirə Ağayeva Azərbaycanda və xaricdə moda nümayişlərində, reklam və foto layihələrində iştirak edir. Model əsasən beynəlxalq markalarla əməkdaşlıq etdiyi Dubay şəhərində yaşayır. O, “Best Fashion Model-2017”, “Miss Europe-2018” və “Miss Elegant-2018” kimi titullara layiq görülüb.