Gürcüstanın paytaxtı Tbilisi şəhərində Quramişvili prospektində yerləşən yaşayış binalarının birində güclü partlayış baş verib.
Rakus.az xəbər verir ki, bu barədə Gürcüstan Daxili İşlər Nazirliyi məlumat yayıb.
Məlumata görə, partlayış səhər saatlarında 16 mərtəbəli binanın dörd mərtəbəsində dağıntılara səbəb olub.
Hadisə nəticəsində 4 nəfər xəsarət alıb. Onlardan biri Yanıq Mərkəzi, digərləri isə xəstəxanaya çatdırılıb.
Binanın sakinləri təxliyə ediliblər. Partlayışın təbii qaz sızıntısından baş verdiyi ehtimal olunur. Hadisə nəticəsində binanın həyətindəki avtomobillərə də zərər dəyib.
Hadisə yerinə polis və xilasedicilər cəlb olunub.
