“Norman Dördlüyü”də kommünike qəbul edildi
Fransanın paytaxtı Paris şəhərində “Norman Dördlüyü” sammitində iştirak edən liderlər (Rusiya Prezidenti Vladimir Putin, Fransa Prezidenti Emmanuel Makron, Almaniya Kansleri Angela Merkel, Ukrayna Prezidenti Vladimir Zelenski) Yelisey Sarayındakı danışıqlardan sonra Kommünike qəbul ediblər.
Rakus.az xəbər verir ki, “Normandiya dördlüyü” liderləri Ukraynanın cənub şərqində bu ilin sonuna kimi atəşkəs rejiminin icra olunmasına tam dəstəklərini ifadə ediblər. Bundan başqa sənəddə Donbasda 2020-ci ilin mart ayının sonuna kimi üç yeni məntəqədə qüvvələrin geri çəkilməsi nəzərdə tutulur.
Kommünikeyə görə, Normandiya formatında danışıqların davam etdirilməsində Minsk razılaşmaları əsas baza olaraq qalacaq.
Sammit iştirakçıları eləcə də “Ştaynmayer formulu” əsasında Ukrayna Konstitusiyasına dəyişiklikləri dəstəkləyib.
Kommunikedə bildirilir ki, danışıqların yekununda liderlər XİN başçılarına və siyasi müşavirlərinə əldə olunmuş razılıqların həyata keçirilməsinin təmin olunmasını tapşırıblar. Liderlər qarşıdakı dörd ay ərzində bu formatda daha bir görüşüşn keçirilməsi barədə razılıq əldə ediblər.
Xatırladaq ki, Parisdə Yelisey Sarayında Ukrayana münaqişəsi ilə bağlı Emanuel Makron, Angela Merkel, Vladimir Putin və Vladimir Zelenski arasında dördtərəfli, “Normandiya dördlüyü” formatında görüş keçirilib. Görüşdən sonra liderlər birgə mətbuat konfransı keçirib jurnalistlərin suallarını cavablandırıblar.
