Bunları bilirsinizmi?
Boyunda yaranan ağrılar günümüzün ən aktual problemlərindən sayılır.
Rakus.az xəbər verir ki, daha çox ofis şəraitində çalışanlar, oturaq həyat tərzi keçirənlər bu ağrılardan şikayətlənirlər.
Mütəxəssislər hesab edirlər ki, boyunda yaranan ağrılar çox zaman ciddi bir problemlə bağlı olmur, sadəcə, gün ərzində boyunun eyni vəziyyətdə saxlanması nəticəsində ortaya çıxır. Həmin ağrılardan qurtulmaq üçün bu hərəkətləri etmək lazımdır.
1. Başınızı önə doğru əyin. 3-5 saniyə sərbəst olun. Sonra başınızı arxa tərəfə doğru bükün.
2. Başınızı öncə sağ tərəfə döndərib 3-5 saniyə gözləyin. Daha sonra yavaşca önə doğru döndərib 3-5 saniyə dayanın. Eyni hərəkətləri bir də sol tərəfə doğru edin.
3. Başınızı öncə sağ tərəfə doğru, qulaq məməciyi çiyninizə dəyəcək qədər çatdırın. Bir müddət dincəldikdən sonra başınızı düz saxlayın. Eyni hərəkəti bir də sol tərəfə doğru təkrarlayın.
4. Əllərinizi alnınıza qoyun, başınızı önə doğru əyməyə çalışarkən alnınıza qoyduğunuz əllərinizlə buna əngəl olmağa çalışın. 10-a qədər sayıb sonra buraxın. Bunu 3 dəfə təkrarlayın.
5. Sağ əlinizi üzünüzün sağ tərəfinə qoyun. Daha sonra başınızı sağa doğru itələməyə çalışarkən sağ əlinizlə əngəl olmağa çalışın. Bu şəkildə boyun əzələlərinizi çalışdıraraq daha güclü hala gətirəcəksiniz. Eyni hərəkəti əks tərəfə də edin.
6. Əllərinizi başınızın arxasına qoyun. Başınızın arxasına qoyduqdan sonra başınızı arxaya doğru itələməyə çalışarkən əllərinizlə əngəl olmağa çalışın. 10-a qədər sayın və buraxın. 15-30 saniyə istirahət verdikdən sonra eyni hərəkəti təkrar edin.
Bunları daha da artıq etdiyiniz halda idman sizə daha çox fayda vermiş olacaq.
Boyun idmanlarında məqsəd boyun əzələlərinizi gücləndirib təbii korset formalaşdıraraq həmin bölgədəki onurğa sümüklərinə düşən yükü azaltmaq və bərabər paylaşdırmaqdır.
İdmanlar eyni zamanda qan dövranını artıracaq, boynun hərəkət həcmini geri qaytaracaq, normal bir duruş yaradacaq, kürək və çiyin nahiyəsindəki tutulmanı azaldıb sizi rahatladacaq.
