İran səhvən Ukrayna təyyarəsini vurdu – Castin Trüdo
“Kanada Ukraynanın “Beynəlxalq Hava Yolları” aviaşirkətinə məxsus “Boeing 737-800” sərnişin təyyarəsinin Tehranda təsadüfən İran raketləri tərəfindən vurulmasını təsdiqləyən kəşfiyyat məlumatları əldə edib”.
Rakus.az xarici mətbuata istnadən xəbər verir ki, bunu Kanadanın Baş Naziri Castin Trüdo bildirərək İranı günahlandırıb.
Bundan əvvəl “CBC” telekanalı Vaşinqtonun Ottavaya həmin təyyarə qəzasının İrana məxsus zenit-raket komplekslərindən atılan raket zərbəsi nəticəsində baş verdiyini sübuta yetirən kəşfiyyat məlumatları ötürdüyünü xəbər vermişdi.
“Çoxsaylı mənbələrdən təyyarənin İran raketi ilə vurulduğuna dair sübutumuz var. Bu, çox güman ki, səhvən edilib”, – deyə kanadalı dövlət başçısı mətbuat konfransında bildirib.
Eyni zamanda, Trüdo qəzanın əsl səbəblərini müəyyən etmək üçün nəticə çıxarmağa tələsməməklə, hərtərəfli və şəffaf araşdırma aparmaqla bağlı çağırış edib.
Xatırladaq ki, təyyarə qəzasında 63 Kanada vətəndaşı ölüb.
Trüdonun ardınca İngiltərənin Baş naziri Boris Conson da oxşar bir açıqlama ilə çıxış edib.
“Təyyarənin İrana məxsus “yer-hava” tipli raketi ilə vurulmasına dair bir sıra məlumatlar var. Çox güman ki, bu, qəsdən olub”, Boris Conson bildirib.
